ວັນທີ 22 ກໍລະກົດ ຜ່ານມາ, ມູນນິທິມາດສເຕີຣູມາ ປະເທດໄທຈັດງານການກຸສົນຊ່ວຍເຫລືອຄົນທຸກຍາກ, ຄົນພິການ, ຄົນເສຍອົງ ແລະ ມອບເຄື່ອງອຸປະໂພກ ບໍລິໂພກ ແລະ ອຸປະກອນຮັບໃຊ້ຄົນພິການແຕ່ລະພາກສ່ວນເຊັ່ນ: ສູນ ເສຍອົງຄະພິເສດ, ສະມາຄົມພິການນະຄອນຫຼວງ, ສະມາຄົມພິການແຫ່ງຊາດ,ງານການ ກຸສົນ ຊ່ວຍເຫລືອຄອບຄົວຄົນທຸກຍາກເມືອງສີໂຄດຕະບອງ, ຄອບຄົວຄົນທຸກຍາກເມືອງນາຊາຍທອງ, ກົມຊັ້ນຄົນ ແລະ ການຈັດຕັ້ງສັງຄົມແນວລາວສ້າງຊາດ, ໂຮງຮຽນປະຖົມສົມບູນບ້ານຫົວນາທົ່ງ, ຫ້ອງການກະຊວງສຶກສາທິການ ແລະ ກິລາ, ໂຮງໝໍເສດຖາທິລາດ, ໂຮງໝໍມະໂຫສົດ, ໂຄງການກໍ່ສ້າງຫໍພັກຄູ ແລະ ນັກຮຽນເມືອງແອດ ແຂວງຫົວພັນ, ໂຄງການກໍ່ສ້າງໂຮງຮຽນນາຄູນນ້ອຍ ລວມມູນຄ່າທັງໝົດ 2,5 ຕື້ກວ່າກີບ ເຊິ່ງມອບໂດຍ ອາຈານ ກູຣູຈິ ຣູມາ ປະທານທີ່ປຶກສາມູນນິທິມາດສເຕີຣູມາ ປະເທດໄທ ໂດຍມີ ທ່ານ ນາງ ສີສະຫລຽວ ທຳມະເທວາ ກຳມະການສູນກາງແນວລາວສ້າງຊາດ, ປະທານມູນນິທີຊ່ວຍເຫລືອຄົນທຸກຍາກ ແຫ່ງ ສປປ ລາວ, ມີຮອງປະທານສູນກາງແນວລາວສ້າງຊາດ ແລະ ພາກສ່ວນກ່ຽວຂ້ອງ ເຂົ້າຮ່ວມ.
ທ່ານ ນາງ ສີສະຫລຽວ ທຳມະເທວາ ໄດ້ກ່າວວ່າ: ມູນນິທິຊ່ວຍເຫລືອຄົນທຸກຍາກ ແຫ່ງ ສປປ ລາວ ແມ່ນອົງການຈັດຕັ້ງສັງຄົມ ທີ່ສ້າງຕັ້ງຂຶ້ນດ້ວຍຄວາມສະໝັກໃຈ ແລະ ເຄື່ອນໄຫວຕາມລະບຽບກົດ ໝາຍຂອງລັດວາງອອກ ແລະກົດລະບຽບຂອງຕົນເອງທີ່ສອດຄ່ອງຕາມແນວທາງມູນນິທິເຄື່ອນໄຫວດ້ວຍ ທຶນຮອນຂອງຕົນເອງ ແລະ ດ້ວຍທຶນຮອນອຸປະຖຳຊ່ວຍເຫລືອຂອງຜູ້ມີໃຈສັດທາທັງພາຍໃນ ແລະ ຜົນກະທົບຈາກໄພພິບັດຕ່າງໆລວມທັງຜູ້ເສຍອົງຄະ ແລະ ຜູ້ດ້ວຍໂອກາດ,ຝ. ພ້ອມນີ້ທ່ານຍັງໄດ້ສະແດງຄວາມຂອບໃຈມາຍັງ ມູນນິທິມາສເຕີຣູມາ ເຊິ່ງເປັນມູນນິທິໜຶ່ງທີ່ໄດ້ຊ່ວຍເຫລືອສັງຄົມເປັນຈຳນວນຫລວງຫລາຍໃນໄລຍະຜ່ານມາ ແລະ ຂອບໃຈການຈັດຕັ້ງທີ່ ກ່ຽວຂ້ອງທີ່ໄດ້ກະກຽມຈັດງານການກຸສົນໃນຄັ້ງນີ້ເພື່ອດຳເນີນຕາມຈຸດປະສົງຄາດໝາຍທີ່ວາງໄວ້.
ອົງການແນວລາວສ້າງຊາດ ແມ່ນອົງການໜຶ່ງທີ່ມີບົດບາດສຳຄັນໃນລະບົບການເມືອງ, ນັບແຕ່ແນວລາວ ອິດສະຫລະ, ແນວລາວຮັກຊາດ ໃນເມື່ອກ່ອນ ແລະ ແນວລາວສ້າງຊາດໃນປັດຈຸບັນ ແມ່ນມີໜ້າທີ່ສຶກສາອົບຮົມ, ເຕົ້າໂຮມຄວາມສາມັກຄີປະຊາຊົນບັນດາເຜົ່າ, ຊັ້ນຄົນ, ສາສະໜາ ແລະ ເພດ-ໄວ ເຂົ້າຮ່ວມພາລະກິດປົກປັກຮັກສາ ແລະ ສ້າງສາພັດທະນາປະເທດຊາດ, ຊຶ່ງໄດ້ມີຜົນງານຢ່າງຫລວງຫລາຍ ໃນແຕ່ລະໄລຍະປະຫວັດສາດເປັນກ້າວໆມາ, ດ້ວຍບົດບາດດັ່ງກ່າວເຮັດໃຫ້ຄວາມສາມັກຄີຂອງປະຊາຊົນລາວບັນດາເຜົ່າໄດ້ກາຍເປັນມູນເຊື້ອອັນດີງາມຂອງແນວລາວສ້າງຊາດ ກໍຄື ຂອງຊາດລາວຕະຫລອດໄລຍະທີ່ຜ່ານມາ.
ທ່ານ ນາງ ສີສະຫລຽວ ທຳມະເທວາ ຍັງໄດ້ກ່າວຕື່ມວ່າ: ແນວລາວສ້າງຊາດ ໄດ້ຖືສໍາຄັນວຽກ ງານເຕົ້າໂຮມຄວາມສາມັກຄີ ແລະ ປຸກລະດົມຂົນຂວາຍບັນດາການຈັດຕັ້ງສາສະໜາ, ສາສະນິກະຊົນ ບັນດາເຜົ່າ ແລະ ບັນດາການຈັດຕັ້ງທາງສັງຄົມຕ່າງໆ ມີສ່ວນຮ່ວມໃນການຊ່ວຍເຫລືອສັງຄົມສົງເຄາະ ຊຶ່ງໄລຍະຜ່ານມາໄດ້ຮັບການຮ່ວມມື ແລະ ມີໝາກມີຜົນດີ ເປັນຕົ້ນ: ການປະກອບສ່ວນ ຊ່ວຍເຫລືອສ້າງໂຮງຮຽນ, ໂຮງໝໍ, ສ້າງນໍ້າລິນ, ນໍ້າບາດານ, ວິດຖ່າຍ, ຜູ້ປະສົບໄພທຳມະຊາດ, ຜູ້ທຸກຍາກ ແລະ ອື່ນໆ.
