ແຂວງຫຼວງນ້ຳທາ ປະກາດການຈັດຕັ້ງ ແລະ ມອບຮັບໜ້າທີ່ພະນັກງານນຳພາ-ຄຸ້ມຄອງ ຢູ່ສະໂມສອນແຂວງ ໃນວັນທີ 13 ມີຖຸນາ ນີ້ ໂດຍການເປັນປະທານຂອງ ທ່ານ ວຽງສະຫວັດ ສີພັນດອນ ກຳມະການສູນກາງພັກ ເລຂາພັກແຂວງ ເຈົ້າແຂວງຫຼວງນ້ຳທາ, ເຂົ້າຮ່ວມມີຮອງເລຂາພັກແຂວງ, ກຳມະການ ປະຈຳພັກແຂວງ, ກຳມະການພັກແຂວງ, ເຈົ້າເມືອງ-ຮອງເຈົ້າເມືອງ, ຫົວໜ້າພະແນກ-ຮອງຫົວໜ້າພະແນກການເຂົ້າຮ່ວມ.
ທ່ານ ຈັນຖະໜອມ ຂັນທະລາດ ຮອງຫົວໜ້າຄະນະຈັດຕັ້ງແຂວງ ໄດ້ຜ່ານຂໍ້ຕົກລົງ ສະບັບເລກທີ 173 ລົງວັນທີ 21 ເມສາ 2023 ວ່າດ້ວຍການແຕ່ງຕັ້ງຮອງເຈົ້າແຂວງຫຼວງນ້ຳທາ, ຂໍ້ຕົກລົງວ່າດ້ວຍການແຕ່ງ ຕັ້ງເຈົ້າເມືອງ ແລະ ຂໍ້ຕົກລົງ ວ່າດ້ວຍການຍົກຍ້າຍພະນັກງານໄປຮັບໜ້າທີ່ໃໝ່ ໂດຍໄດ້ແຕ່ງຕັ້ງທ່ານ ສີວິໄລ ປັນແກ້ວ ກຳມະການປະຈຳພັກແຂວງປະທານກວດກາພັກ-ຫົວໜ້າອົງການກວດກາລັດແຂວງ ເປັນຮອງເຈົ້າແຂວງຫຼວງນ້ຳທາ, ແຕ່ງຕັ້ງທ່ານ ພົນຕີ ຈັນສະແຫວງ ທິບຄູນທອງ ຮອງເລຂາພັກແຂວງ ເປັນປະທານກວດກາພັກ-ຫົວໜ້າອົງການກວດກາລັດແຂວງ, ແຕ່ງຕັ້ງທ່ານ ບຸນຈັນ ສຸດທິປັນຍາ ກໍາມະການພັກແຂວງ ເລຂາພັກເມືອງ ເຈົ້າເມືອງໆລອງ ເປັນເຈົ້າເມືອງໆນາແລ, ແຕ່ງຕັ້ງ ທ່ານ ຄຳເພັດ ຈັນທະວົງ ກຳມະການພັກແຂວງ ຫົວໜ້າຫ້ອງວ່າການແຂວງ ເປັນເຈົ້າເມືອງໆລອງ, ຍົກຍ້າຍ ແລະ ແຕ່ງຕັ້ງ ທ່ານ ບຸນມາ ພັນດາວົງ ກໍາມະການພັກແຂວງ ຫົວໜ້າຄະນະໂຄສະນາ
ອົບຮົມແຂວງເປັນຫົວໜ້າຫ້ອງວ່າການແຂວງ, ຍົກຍ້າຍ ແລະ ແຕ່ງຕັ້ງ ທ່ານ ຄຳພັນ ເຈຍອາ ປະທານສະຫະພັນກຳມະບານແຂວງ ໄປຮັບໜ້າທີ່ໃໝ່ ເປັນຫົວໜ້າໂຮງຮຽນການເມືອງ-ການປົກຄອງແຂວງ ແລະ ແຕ່ງຕັ້ງ ທ່ານ ບຸນເລີດ ດ້ວງເງິນ ຮອງປະທານສະຫະພັນກຳມະບານແຂວງ ເປັນຮັກສາການປະທານສະຫະພັນກຳມະບານແຂວງ, ແຕ່ງຕັ້ງ ແລະ ຍົກຍ້າຍ ທ່ານ ບຸນປີ ໄລປະເສີດ ກຳມະການພັກແຂວງ ເລຂາພັກເມືອງ ເຈົ້າເມືອງໆນາແລ ໄປຮັບໜ້າທີ່ໃໝ່ ເປັນປະທານແນວລາວສ້າງຊາດແຂວງ, ຍົກຍ້າຍທ່ານ ຕຽງສະໝອນ ພອນປະເສີດ ກຳມະການພັກແຂວງເລຂາພັກເມືອງ ເຈົ້າເມືອງໆວຽງພູຄາ ເປັນຫົວໜ້າພະແນກສາທາລະນະສຸກແຂວງ, ຍົກຍ້າຍ ແລະ ແຕ່ງຕັ້ງ ທ່ານ ຄຳລາ ຂານສະຫງ່າ ກຳມະການພັກແຂວງ ຫົວໜ້າພະແນກໂຍທາທິການ ແລະ ຂົນສົ່ງແຂວງ ເປັນຫົວໜ້າພະແນກອຸດສາຫະກຳ ແລະ ການຄ້າແຂວງ, ຍົກຍ້າຍ ແລະ ແຕ່ງຕັ້ງ ທ່ານ ວັນທາ ພົມວິໄລ ຫົວໜ້າພະແນກອຸດສາຫະກຳ ແລະ ການຄ້າແຂວງ ເປັນຫົວໜ້າພະແນກເຕັກໂນໂລຊີ ແລະ ການສື່ສານແຂວງ, ຍົກຍ້າຍ ແລະ ແຕ່ງຕັ້ງ ທ່ານ ພູນແກ້ວ ເຫຼົາອິນ ກຳມະການພັກແຂວງ ຫົວໜ້າພະແນກເຕັກໂນໂລຊີ ແລະ ການສື່ສານແຂວງ ເປັນຫົວໜ້າພະແນກໂຍທາທິການ ແລະ ຂົນສົ່ງແຂວງ, ຍົກຍ້າຍ ແລະ ແຕ່ງຕັ້ງ ທ່ານ ສິງໄຊ ວັນຄໍາ ກໍາມະການພັກແຂວງ ຫົວໜ້າໂຮງຮຽນການເມືອງ-ການປົກຄອງແຂວງ ເປັນຫົວໜ້າຄະນະໂຄສະນາອົບຮົມແຂວງ ບັນດາທ່ານທີ່ຖືກແຕ່ງຕັ້ງຈະໄດ້ຮັບເງິນອຸດໜູນຕຳແໜ່ງບໍລິຫານ ຕາມດໍາລັດເລກທີ 203 ລົງວັນທີ 4 ກໍລະກົດ 2023 ຈາກນັ້ນແຕ່ລະທ່ານທີ່ຖືກຍົກຍ້າຍ ແລະ ໄດ້ຮັບການແຕ່ງຕັ້ງກໍໄດ້ເຊັນບົດບັນທຶກມອບ-ຮັບໜ້າທີ່ຢ່າງເປັນທາງການ. .
ຂ່າວ-ພາບ: ອຸ້ມ ສົມນໍ່ວັນ
