ຕາມຂ່າວຈາກວິທະຍຸສາກົນຫວຽດນາມ, ກອງປະຊຸມສຸດຍອດສະມາຄົມປະຊາຊາດອາຊີຕາເວັນອອກສ່ຽງໃຕ້ (ອາຊຽນ) ຄັ້ງທີ 42 ຈະຈັດຂຶ້ນແຕ່ວັນທີ 9–11 ພຶດສະພາ ຢູ່ອິນໂດເນເຊຍ ຊຸກຍູ້ບັນດາຄວາມມານະ ພະຍາຍາມປ້ອງກັນ ແລະ ຕ້ານການຄ້າມະນຸດຢ່າງເຂັ້ມແຂງ ຫລັງຈາກສະພາບການບັນດາຄະດີຄ້າມະນຸດເກີດຂື້ນ ນັບມື້ຫລາຍຂຶ້ນ ຢູ່ບັນດາປະເທດ ໃນພາກພື້ນ ດ້ວຍຮູບການ ຫລອກລວງ ໂດຍນຳໃຊ້ ເຕັກໂນໂລຊີ ຂໍ້ມູນ ຂ່າວສານ ແລະ ປຶກສາຫາລື ອີກຫລາຍ ບັນຫາ ສຳຄັນ ຢູ່ພາຍໃນ ແລະ ນອກພາກພື້ນ. ກອງປະຊຸມ ສຸດຍອດ ອາຊຽນ ຄັ້ງທີ 43 ຄາດວ່າ ຈະຈັດຂຶ້ນ ໃນເດືອນ ກັນຍາ ຈະມາເຖິງຢູ່ ອິນໂດເນເຊຍ ເພື່ອດຶງດູດ ການເຂົ້າຮ່ວມ ຂອງບັນດາ ການນຳ ອາຊຽນ ແລະ ບັນດາ ປະເທດ ຄູ່ຮ່ວມມື ເພື່ອແນໃສ່ ປຶກສາ ຫາລື ບັນດາ ມາດຕະການ ເພີ່ມທະວີ ການຮ່ວມມື ລະຫວ່າງ ອາຊຽນ ກັບບັນດາ ປະເທດ ຄູ່ຮ່ວມມື ພາຍນອກ.ສຳລັບ ກອງປະຊຸມ ສຸດຍອດ ອາຊຽນ ຄັ້ງທີ 42 ມີກອງປະຊຸມ ຂັ້ນສູງ 8 ຄັ້ງ. ໃນນັ້ນ, ທ່ານ ໂຈໂກ ວີໂດໂດ (Joko Widodo), ປະທານາທິບໍດີ ອິນໂດ ເນເຊຍ ຈະເປັນປະທານ ກອງປະຊຸມ 7 ຄັ້ງ, ລວມມີ ບັນດາກອງປະຊຸມ ຄົບຄະນະ ແລະ ກອງປະຊຸມ ວົງແຄບ. ກອງປະຊຸມ ສຸດຍອດ ຍັງເຫລືອແມ່ນ ກອງປະຊຸມ ຂັ້ນສູງ ຮ່ວມມື ພາກພື້ນ ເຕີບໂຕ ອາຊຽນ ຕາເວັນອອກ Brunei Darussalam-Indonesia-Malaysia-Philippines (BIMP-EAGA) ຄັ້ງທີ 15 ໂດຍມີ ນາຍົກ ລັດຖະມົນຕີ ມາເລ ເຊຍ ເປັນປະທານ ບົນພື້ນຖານ ໝູນວຽນ./.
(ບັນນາທິການຂ່າວ: ຕ່າງປະເທດ)
ຮຽບຮຽງ ຂ່າວໂດຍ: ສະໄຫວ ລາດປາກດີ
