ຕາມຂ່າວຈາກ ຊິນຮວາ ຂອງ ສປ ຈີນ,ຜົນສຳຫລວດ ຫລ້າສຸດ ທະນາຄານກາງ ຍີ່ປຸ່ນ ລະບຸວ່າ: ປະຊາຊົນ 94,5% ໄດ້ຮັບ ຜົນກະທົບ ຈາກລາຄາ ສິນຄ້າ ແພງຂຶ້ນ ຫລາຍກວ່າ ປີກາຍ ໃນນີ້ 62,8% ມີຄວາມຄິດເຫັນວ່າ ລາຄາສິນຄ້າ ເພີ່ມຂຶ້ນ ຫລາຍທີ່ສຸດ ຫລັງຈາກ ເກັບກຳ ຄວາມຄິດເຫັນຈາກ ຜູ້ມີອາຍຸ 20ປີ ຂຶ້ນໄປ ຈຳນວນ 1.981ຄົນ.ໃນນີ້ ປະມານ 56% ຜະເຊີນກັບ ວິກິດ ດ້ານການເງິນ.ຕາມການສຳຫລວດ ທີ່ຈັດຂຶ້ນ ທຸກ 3ເດືອນ ສະແດງ ໃຫ້ເຫັນວ່າ ຄ່າໃຊ້ຈ່າຍ ເພີ່ມຂຶ້ນ ຂອງຜູ້ຄົນ ສ່ວນໃຫຍ່ ໝົດໄປກັບ ສິນຄ້າ ປະເພດ ອາຫານ,ຮອງລົງມາ ແມ່ນເຄື່ອງໃຊ້ ປະຈຳວັນ ແລະ ເຄື່ອງໃຊ້ ໄຟຟ້າ ຕາມລຳດັບ./.
(ບັນນາທິການຂ່າວ: ຕ່າງປະເທດ)
ຮຽບຮຽງ ຂ່າວໂດຍ: ສະໄຫວ ລາດປາກດີ
