ນະຄອນຫຼວງວຽງຈັນ ວັນທີ 1 ກັນຍາ 2025 ສາຍການບິນ Vietjet ໄດ້ເຜີຍແຜ່ບົດລາຍງານການກວດສອບບັນຊີການເງິນ ສໍາລັບເຄິ່ງປີທໍາອິດຂອງປີ 2025 ໂດຍລາຍງານການເຕີບໂຕທີ່ໂດດເດັ່ນ ແລະ ເສີມສ້າງຄວາມເຂັ້ມແຂງໃນຖານະສາຍການບິນທີ່ກໍາລັງຂະຫຍາຍຕົວໃນລະດັບສາກົນ ນອກນີ້ ສາຍການບິນດັ່ງກ່າວ ຍັງໄດ້ປະກາດເສັ້ນທາງໃໝ່ ໂດຍມີຖ້ຽວບິນກົງເຊື່ອມຕໍ່ລະຫວ່າງນະຄອນໂຮ່ຈີມິງ ເຊິ່ງເປັນສູນກາງດ້ານເສດຖະກິດຂອງຫວຽດນາມ ກັບນະຄອນຫຼວງມານີລາ ປະເທດຟີລິບປິນ ເຊິ່ງມີກຳ ນົດເປີດໃຫ້ບໍລິການໃນເດືອນພະຈິກ ສໍາລັບນັກທ່ອງທ່ຽວຊາວລາວ ເສັ້ນທາງໃໝ່ນີ້ຈະອຳນວຍຄວາມສະ ດວກໃນການເດີນທາງ ລະຫວ່າງ ສປປ ລາວ ແລະ ປະເທດຟີລິບປິນ ໄດ້ສະດວກຂຶ້ນ ຜ່ານການເຊື່ອມຕໍ່ຖ້ຽວບິນຂອງສາຍການບິນ Vietjet.
ການເຕີບໂຕທາງດ້ານການເງິນທີ່ເຂັ້ມແຂງ: ໃນ 6 ເດືອນຕົ້ນປີ 2025 ລາຍຮັບການຂົນສົ່ງທາງອາກາດຂອງສາຍການບິນ Vietjet ບັນລຸ 35,601 ພັນຕື້ດົງ (ປະມານ 29,2 ພັນຕື້ກີບ) ໂດຍມີກໍາໄລກ່ອນຫັກພາສີ ເກືອບ 1,6 ພັນຕື້ດົງ (ປະມານ 1,31 ພັນຕື້ກີບ) ເຊິ່ງເພີ່ມຂຶ້ນ 37% ຈາກປີກ່ອນ ສ່ວນລາຍຮັບລວມ ແມ່ນ 35,837 ພັນຕື້ດົງ (ປະມານ 29,4 ພັນຕື້ກີບ) ແລະ ກໍາໄລກ່ອນຫັກພາສີ ເກີນ 1,651 ພັນຕື້ດົງ (ປະມານ 1,35 ພັນຕື້ກີບ) ເຊິ່ງສະແດງເຖິງການເຕີບໂຕທີ່ໜ້າຕົກໃຈເຖິງ 65% ຈາກປີກ່ອນ.
ໃນໄລຍະດຽວກັນນີ້ ສາຍການບິນ Vietjet ໄດ້ດໍາເນີນການບິນ 79.000 ຖ້ຽວ ແລະ ໃຫ້ບໍລິການຜູ້ໂດຍສານ 14,4 ລ້ານຄົນ ໄດ້ຈ່າຍພາສີ ແລະ ຄ່າທໍານຽມຕ່າງໆຫຼາຍກວ່າ 4,528 ພັນຕື້ດົງ (ປະມານ 3,71 ພັນຕື້ກີບ) ຕົວຊີ້ວັດດ້ານການເງິນຂອງບໍລິສັດ ຍັງຄົງເຂັ້ມແຂງ ມີສະພາບຄ່ອງດີ ແລະ ຊັບສິນ ລວມ ເກີນ 112 ພັນຕື້ດົງ (ປະມານ 91,85 ພັນຕື້ກີບ).
ການລົງທຶນໃນເຮືອບິນ ແລະ ຖານະໃນລະດັບສາກົນ: ໃນເຄິ່ງປີທໍາອິດ ສາຍການບິນ Vietjet ໄດ້ສັ່ງຊື້ເຮືອບິນ A330neo ຈໍານວນ 20 ລໍາຈາກບໍລິສັດ Airbus ເຮັດໃຫ້ຍອດການສັ່ງຊື້ເຮືອບິນ A330neo ເພີ່ມຂຶ້ນເປັນ 40 ລໍາ ເຊິ່ງເປັນສາຍການບິນທີ່ມີການສັ່ງຊື້ເຮືອບິນ A330neo ຫຼາຍທີ່ສຸດໃນໂລກ ໃນງານ Paris Air Show 2025 ສາຍການບິນ Viejtet ໄດ້ສັ່ງຊື້ເຮືອບິນ A321neo ເພີ່ມອີກ 100 ລໍາ ພ້ອມທາງເລືອກໃນການສັ່ງຊື້ ເພີ່ມອີກ 50 ລໍາ ເຊິ່ງເປັນຂໍ້ຕົກລົງທີ່ໃຫຍ່ທີ່ສຸດໃນອຸດສາຫະກໍານີ້ ເຮັດໃຫ້ສາຍການບິນ Vietjet ຕິດອັນດັບ 1 ໃນ 10 ສາຍການບິນຊັ້ນນໍາຂອງໂລກ ໃນດ້ານການສັ່ງຊື້ເຮືອບິນ ນອກນີ້ສາຍການບິນ Vietjet ແລະ ບໍລິສັດ Rolls-Royce ຍັງໄດ້ລົງນາມສັນຍາສັ່ງຊື້ເຄື່ອງຈັກ Trent 7000 ຈໍານວນ 40 ເຄື່ອງ ເພື່ອໃຊ້ກັບເຮືອບິນ Airbus A330neo ຂະໜາດໃຫຍ່ 20 ລໍາເຮັດໃຫ້ຍອດການສັ່ງຊື້ເຄື່ອງຈັກ Trent 7000 ທັງໝົດຂອງສາຍການບິນ ເພີ່ມຂຶ້ນເປັນ 80 ເຄື່ອງ.
ການເລີ່ມຕົ້ນໂຄງການລອງແທງ: ສາຍການບິນ Vietjet ໄດ້ເລີ່ມການກໍ່ສ້າງສູນເຕັກນິກບໍາລຸງຮັກ ສາເຮືອບິນ ຢູ່ສະໜາມບິນສາກົນລອງແທງ ທີ່ກຳລັງກໍ່ສ້າງ ໂດຍມີໂຮງຈອດເຄື່ອງບິນເບີ 3 ແລະ 4 ເຊິ່ງສາມາດໃຫ້ບໍລິການເຮືອບິນໄດ້ພ້ອມກັນ 10 ລໍາ ຕາມມາດຕະຖານສາກົນ ໃນຂະນະດຽວກັນ ສາຍການບິນ Vietjet ຍັງໄດ້ນໍາໃຊ້ລະບົບບໍລິການພາກພື້ນດິນແບບບໍລິການຕົນເອງ ຢູ່ສະໜາມບິນໃຫຍ່ຕ່າງໆໃນຫວຽດນາມ ເພື່ອຍົກລະດັບຄຸນນະພາບການບໍລິການ ເພີ່ມປະສິດທິຜົນການດໍາເນີນງານ ແລະ ສົ່ງມອບປະສົບການທີ່ດີເລີດໃຫ້ຜູ້ໂດຍສານ.
ກ່ອນໜ້ານີ້ ສາຍການບິນ Vietjet ຍັງໄດ້ຮັບການຍອມຮັບອີກຄັ້ງຈາກ AirlineRatings ໃຫ້ເປັນ “ສາຍການບິນຕົ້ນທຶນຕໍ່າທີ່ດີທີ່ສຸດໃນໂລກ” ວາລະສານ Forbes ຫວຽດນາມ ຍັງໄດ້ຈັດອັນດັບໃຫ້ສາຍການບິນ Vietjet ເປັນ 1 ໃນ 5 ບໍລິສັດ ທີ່ມີລາຍຮັບສູງສຸດ ປະຈໍາປີ 2024 ແລະ 1 ໃນ 50 ບໍລິສັດທີ່ມີການລົງທຶນທີ່ດີທີ່ສຸດໃນປະເທດ ສໍາລັບປີ 2025.
ຖ້ຽວບິນທໍາອິດໄປຟີລິບປິນ: ດ້ວຍພື້ນຖານດ້ານການເງິນທີ່ເຂັ້ມແຂງ ການລົງທຶນໃນເຮືອບິນ ແລະ ການເປີດເສັ້ນທາງໃໝ່ ລວມທັງເສັ້ນທາງນະຄອນໂຮ່ຈີມິງ-ມານີລາ ສາຍການບິນ Vietjet ກຽມຈະເລັ່ງການຂະຫຍາຍຕົວໃນພາກພື້ນ ແລະ ລະດັບໂລກ ຕື່ມອີກ ເສີມສ້າງບົດບາດຂອງຫວຽດນາມ ໃນຖາ ນະສູນກາງການບິນທີ່ກໍາລັງຂະຫຍາຍຕົວ ການບໍລິການຖ້ຽວບິນໃໝ່ນີ້ ຈະເລີ່ມໃນວັນທີ 22 ພະຈິກ 2025 ໂດຍມີຖ້ຽວບິນໄປ-ກັບ 5 ຖ້ຽວຕໍ່ອາທິດ ເຊິ່ງເປັນການເຊື່ອມຕໍ່ໂດຍກົງຄັ້ງທໍາອິດຂອງສາຍການບິນ Vietjet ລະຫວ່າງ ຫວຽດນາມ ແລະ ຟີລິບປິນ ດ້ວຍເສັ້ນທາງທີ່ມີຢູ່ແລ້ວ ທີ່ເຊື່ອມຕໍ່ນະຄອນຫຼວງວຽງຈັນໄປ ນະຄອນໂຮ່ຈີມິງ ນັກທ່ອງທ່ຽວຊາວລາວ ສາມາດເດີນທາງຕໍ່ໄປຍັງນະຄອນຫຼວງຂອງຟີລິບປິນ ຜ່ານເມືອງທີ່ໃຫຍ່ທີ່ສຸດຂອງຫວຽດນາມໄດ້ຢ່າງສະດວກ.
ປີ້ ມີໃຫ້ບໍລິການແລ້ວ ໂດຍມີໂປຣໂມຊັນພິເສດລາຄາເລີ່ມຕົ້ນພຽງ 0 USD (ບໍ່ລວມພາສີ ແລະຄ່າທໍານຽມ) ຈັດຂຶ້ນທຸກວັນໃນລະຫວ່າງເວລາ 12:00 ໂມງ ຫາ 14:00 ໂມງ (GMT+7) ຜ່ານເວບໄຊທາງການ ແຕ່ວັນທີ 22 ພະຈິກ 2025 ເຖິງວັນທີ 29 ມີນາ 2026 (ເງື່ອນໄຂ ແລະ ຂໍ້ກໍານົດ ແມ່ນຂຶ້ນກັບການປ່ຽນແປງ).
(ສະບາໄພ 1/9/2025)
