ຫ້ອງການກະຊວງສຶກສາທິການ ແລະ ກິລາ ແຈ້ງມາຍັງບັນດາທ່ານຊາບວ່າ: ປະຈຸບັນ ກະຊວງສຶກສາທິການ ແລະ ກິລາ ໄດ້ປັບປຸງກາໝາຍ (ໂລໂກ້) ໃໝ່ ເພື່ອໃຫ້ມີຄວາມສອດຄ່ອງກັບລັກສະນະຊາດ ແລະ ພາລະບົດບາດ, ໜ້າທີ່ຂອງກະຊວງ ຊຶ່ງສະແດງອອກຢ່າງກວມລວມເຖິງວຽກງານ ການສຶກສາ, ການຄົ້ນຄວ້າວິທະຍາສາດ ແລະ ກິລາ, ຊຶ່ງໄດ້ຮັບຮອງ ແລະ ປະກາດໃຊ້ ຕາມຂໍ້ຕົກລົງວ່າດ້ວຍ ການຮັບຮອງກາໝາຍ (ໂລໂກ້) ກະຊວງສຶກສາທິການ ແລະ ກິລາ ສະບັບເລກທີ 1965/ສສກ, ລົງວັນທີ 29 ສິງຫາ 2025 ແລະ ເລີ່ມນໍາໃຊ້ເປັນທາງການ ນັບແຕ່ ວັນທີ 1 ກັນຍາ ເປັນຕົ້ນໄປ.
ສໍາລັບ ບັນດາຫ້ອງການ, ກົມ, ອົງການທຽບເທົ່າກົມ, ສູນ ແລະ ພາກສ່ວນອື່ນໆ ພາຍໃນຂະແໜງການ ສຶກສາທິການ ແລະ ກິລາ ທີ່ມີການນໍາໃຊ້ກາໝາຍ (ໂລໂກ້) ເກົ່າ ເຂົ້າໃນສິ່ງພິມຕ່າງໆ ທີ່ໄດ້ຈັດພິມໄປແລ້ວນັ້ນ ໃຫ້ສືບຕໍ່ປະຕິບັດຈົນກວ່າ ສໍາເລັດ ຫຼື ໝົດໄປ ແຕ່ການຈັດພິມໃໝ່ ໃຫ້ນໍາໃຊ້ກາໝາຍ (ໂລໂກ້) ກະຊວງສຶກສາທິການ ແລະ ກິລາ ໂຕໃໝ່.
