ວິທະຍຸສາກົນ ແຫ່ງ ສປ ຈິນ,ເມື່ອບໍ່ດົນມານີ້, ທ່ານ ເຕໂດຣສ ແອັດຮານອມ ເກເບຣເຢຊຸສ, ຜູ້ອຳນວຍການໃຫຍ່ອົງການ ອະນາໄມໂລກ ກ່າວວ່າ: ສ.ອາເມລິກາ ຕັດງົບປະມານດ້ານສາທາລະນະສຸກທົ່ວໂລກ ອາດຈະເປັນໄພຂົ່ມຂູ່ຕໍ່ຊີວິດ ຂອງຫລາຍລ້ານຄົນໃນທົ່ວໂລກ. ພ້ອມທັງເຕືອນໃຫ້ ສ.ອາເມລິກາ ແລະ ປະເທດທີ່ໄດ້ຮັບຜົນກະທົບດຳເນີນການເຈລະຈາເພື່ອວາງແຜນການແກ້ໄຂທີ່ມີຄວາມຍືນຍົງກວ່າເກົ່າ ແລະ ຫລີກລ່ຽງບໍ່ໃຫ້ມີຜົນເສຍຫາຍທາງດ້ານຊີວິດ. ພາຍຫລັງ ສ.ອາເມລິກາ ໄດ້ຕັດງົບປະມານດ້ານສາທາລະນະສຸກທີ່ສະໜອງໃຫ້ແກ່ປະເທດອື່ນ ໂດຍຜ່ານອົງການພັດທະນາສາກົນ ອາເມລິກາ, ສູນປ້ອງກັນ ແລະ ຄວບຄຸມພະຍາດອາເມລິກາ ແລະ ອົງການອື່ນໆ ຢ່າງທະທັນຫັນ, ອາດຈະສົ່ງຜົນກະທົບຕໍ່ຄວາມຄືບໜ້າ ຂອງທົ່ວໂລກໃນການປ້ອງກັນ ແລະ ປິ່ນປົວມາເລເຣຍ, ພະຍາດເອດ, ພະຍາດວັນນະໂລກ ແລະ ພະຍາດອື່ນໆອີກ.
(ບັນນາທິການຂ່າວ: ຕ່າງປະເທດ)
ຮຽບຮຽງ ຂ່າວໂດຍ: ສະໄຫວ ລາດປາກດີ
