ສຳນັກຂ່າວ ຊິນຮວາ ຂອງ ສປຈີນ, ເມື່ອບໍ່ດົນມານີ້, ຄະນະ ກຳມະການ ພັດທະນາ ແລະ ປະຕິຮູບ ແຫ່ງຊາດ ຈີນ ລາຍງານວ່າ: ຈີນ ຈັດສັນ ງົບປະມານ 500 ລ້ານຢວນ ເພື່ອສະໜັບ ສະໜູນ ການບັນເທົາທຸກ ຈາກໄພພິບັດ ໃນ 5 ແຂວງ ຂອງ ປະເທດ.
ໂດຍງົບປະມານ ບ້ວງນີ້ ຈະນຳໃຊ້ ເຂົ້າໃນ ການຊ່ວຍເຫລືອ ຟື້ນຟູ ເຂດປະສົບໄພ ນໍ້າຖ້ວມ ຢູ່ຫູຫນານ, ເຫີຫນານ, ເສສວນ ແລະ ສ່ານຊີ ລວມເຖິງ ຜົນກະທົບ ຈາກ ພາຍຸໄຕ້ຝຸ່ນ ໃນຝູຈ້ຽນອີກດ້ວຍ. ໃນນັ້ນລວມມີ ໂຄງການ ສຳຄັນຕ່າງໆ ເຊັ່ນ: ການຟື້ນຟູ ພື້ນຖານ ໂຄງລ່າງ, ການອະນຸລັກນໍ້າ ແລະ ຄວບຄຸມ ນໍ້າຖ້ວມ, ໂຮງຮຽນ, ໂຮງໝໍ ແລະ ສິ່ງອຳນວຍ ຄວາມສະດວກ ສາທາລະນະ ແລະ ອື່ນໆ ທີ່ ໄດ້ຮັບຄວາມ ເສຍຫາຍ ຈະໄດ້ຮັບ ງົບປະມານ ເພື່ອຊ່ວຍໃຫ້ ວິຖີຊີວິດ ແລະ ການເຮັດວຽກ ຂອງ ປະຊາຊົນ ກັບຄືນ ໄປສູ່ປົກກະຕິ ໂດຍໄວທີ່ສຸດ ແລະອື່ນໆ.
