ອ້າງຕາມແຫລ່ງຂ່າວ ນີວຢອກ ຂອງ ສ.ອາເມລິກາ , ວັນທີ 31 ກໍລະກົດ, ທ່ານ ໂຈ ໄບເດັນ ປະທານາທິບໍດີ ສ.ອາເມລິກາ ຈະອອກ ກົດລະບຽບໃໝ່ ໃນເດືອນສິງຫານີ້ ເພື່ອຈະຂະຫຍາຍ ອຳນາດ ຂອງ ສ.ອາເມລິກາ ເພື່ອສາມາດ ຫ້າມບາງ ປະເທດ ສົ່ງອອກ ອຸປະກອນ ຜະລິດ ເຊມິຄອນດັກເຕີຣ ຫລື ຊິບໄປຍັງ ສປຈີນ.
ໂດຍກົດລະບຽບນີ້ ເປັນສ່ວນຂະຫຍາຍ ຂອງ ລະບຽບ ຜະລິດຕະພັນ ໂດຍກົງ ຈາກຕ່າງປະເທດ ຫລື ເອຟດີພີອາຣ (Foreign Direct Product Rule: FDPR) ເພື່ອຈະເຮັດໃຫ້ ຜູ້ຜະລິດຊິບ ໃນຈີນ ຈຳນວນໜຶ່ງ ບໍ່ສາມາດ ນໍາເຂົ້າ ອຸປະກອນ ການຜະລິດຊິບ ຈາກ ຫລາຍປະເທດ ເຊັ່ນ: ອິດສະຣາແອນ, ເຂດໄຕ້ຫວັນ (ຈີນ), ສິງກະໂປ, ມາເລເຊຍ. ແຕ່ຈະຍົກເວັ້ນ ການນໍາເຂົ້າ ຈາກ ຍີ່ປຸ່ນ, ໂຮນລັງ ແລະ ສ.ເກົາຫລີ . ກ່ອນໜ້ານີ້ ສ.ອາເມລິກາ ໄດ້ຄວບຄຸມ ການສົ່ງອອກ ຊິບ ແລະ ອຸປະກອນ ການຜະລິດຊິບ ໄປຍັງຈີນ ສຳລັບ ປີ 2022-2023. ເອຟດີພີອາຣ ເປັນລະບຽທີ່ ສ.ອາເມລິກາ ນຳໃຊ້ມາ ຕັ້ງແຕ່ປີ 1959 ເພື່ອຄວບຄຸມ ການຄ້າ ເຕັກໂນໂລຊີ ຂອງ ສ.ອາເມລິກາ , ໂດຍໃຫ້ອຳນາດ ລັດຖະບານ ສ.ອາເມລິກາ ຢັບຢັ້ງ ການຈຳໜ່າຍ ຜະລິດຕະພັນ ທີ່ໃຊ້ເຕັກໂນໂລຊີ ສ.ອາເມລິກາ , ຄວບຄຸມເຖິງ ຜະລິດຕະພັນ ທີ່ຜະລິດ ຢູ່ຕ່າງປະເທດອີກດ້ວຍ.
