ເຄຣັກ ເບີລີ ອະດີດກອງກາງທີມ ເຊວຊີ ອອກມາຍວົະ ເອລິ່ງ ຮາລັນ ສູນໜ້າທີມ ແມນເຊັສເຕີ ຊິຕີ ໃຫ້ປະຕິເສດທີ່ຈະເຂົ້າຮ່ວມພິທີມອບລາງວັນ Ballon d’Or ຕະຫຼອດຊີວິດ ຫາກ ລິໂອເນວ ເມສຊີ ກອງໜ້າທີມ ອິນເຕີ ໄມອາມີ່ ເປັນຝ່າຍໄດ້ຮັບຕໍາແໜ່ງ.
ລາງວັນ Ballon d’Or 2023 ໄດ້ເປີດເຜີຍລາຍຊື່ນັກເຕະທີ່ມີໂອກາດລຸ້ນຄວ້າກຽດຕິຍົດອອກມາແລ້ວເມື່ອມໍ່ໆມານີ້ ໂດຍເຊື່ອກັນວ່າ ເມສຊີ ຈະໄດ້ຮັບຕໍາແໜ່ງເປັນສະໄໝທີ 8 ເນື່ອງຈາກເຂົາສ້າງຜົນງານພາທີມຊາດ ອາກຊັງຕິນ ຄວ້າແຊັມເຕະບານໂລກ 2022 ເຖິງແມ່ນວ່າ ຮາລັນ ຈະຍິງໄດ້ 52 ປະຕູເພື່ອພາ ແມນເຊສເຕີ ຊີຕີ ຄວ້າ 3 ແຊັມໄດ້ກໍຕາມ.
ຢ່າງໃດກໍດີ ກ່ຽວກັບບັນຫານີ້ ເບີລີ່ ອະດີດກອງກາງທີມຊາດສະກັອດແລນ ໄດ້ສະແດງຄວາມບໍ່ເຫັນດີນຳຢ່າງຍິ່ງ ເນື່ອງຈາກວ່າກອງໜ້າທີມຊາດນອກແວ ອາຍຸ 23 ປີ ສົມຄວນໄດ້ຮັບລາງວັນ ພ້ອມຍວົະໃຫ້ກອງໜ້າຕົວໃຫຍ່ລົ້ມເລີກການເຂົ້າຮ່ວມງານມອບລາງວັນນີ້ໄປຕະຫຼອດຊີວິດ ຫາກ ເມສຊີ ເປັນຝ່າຍສົມຫວັງ.
“ ຫາກ ເອລິ່ງ ຮາລັນ ບໍ່ໄດ້ຮັບລາງວັນໃນປີນີ້ ມັນກໍຈົບເກມ ” ເບີລີ່ ກ່າວກັບ ອີເອສພີເອັນ ເມື່ອວັນທີ 6 ກັນຍາ.
“ ລິໂອເນວ ເມສຊີ ໄດ້ແຊັມເຕະບານໂລກກໍເປັນຄວາມຈິງ ແລະ ມັນເປັນຜົນສໍາເລັດອັນຍິ່ງໃຫຍ່ ແຕ່ມັນຫຼິ້ນກັນພຽງແຕ່ສີ່ອາທິດ ຟອມໃນລີກຂອງເຂົາບໍ່ດີເລີຍ ແລະ PSG ກໍ່ບໍ່ດີ.
