ຕາມຂ່າວຈາກວິທະຍຸສາກົນ ແຫ່ງ ສປ ຈີນ, ເມື່ອບໍ່ດົນມານີ້ກົມຕິດຕາມຄຸ້ມຄອງຢາແຫ່ງຊາດຈີນ ໄດ້ປະກາດຂໍ້ກຳນົດ ກ່ຽວກັບ ການຄຸ້ມຄອງ ການຕິດສະຫລາກ ໃສ່ຢາພື້ນເມືອງຈີນສຳເລັດຮູບເພື່ອເຮັດໃຫ້ການຄຸ້ມຄອງຕໍ່ການຕິດສະຫລາກ ໃສ່ຢາພື້ນເມືອງຈີນສຳເລັດຮູບ ເປັນແບບສະບັບ ຕື່ມອີກ. ຂໍ້ກຳນົດ ສະບັບ ດັ່ງກ່າວ ຈະເລີ່ມມີຜົນ ບັງຄັບໃຊ້ ນັບແຕ່ ວັນທີ 1 ສິງຫາປີ 2024 ເປັນຕົ້ນໄປ, ໃນນັ້ນ, ສະຫລາກ ກ່ຽວກັບ ໄລຍະຮັກສາ ຄຸນະພາບ ຈະເລີ່ມ ມີຜົນບັງຄັບໃຊ້ ນັບແຕ່ວັນທີ 1 ສິງຫາປີ 2025 ເປັນຕົ້ນໄປ. ຂໍ້ກຳນົດ ສະບັບ ດັ່ງກ່າວ ລວມມີ 22 ຂໍ້, ໄດ້ກຳນົດຢ່າງຈະແຈ້ງ ຕໍ່ຂອບເຂດ ການນຳໃຊ້ ຄຳຮຽກຮ້ອງລວມ ຝ່າຍຮັບຜິດຊອບ ຕົ້ນຕໍ ຄຳຮຽກຮ້ອງ ຕໍ່ການຫຸ້ມຫໍ່ ຄຳຮຽກຮ້ອງຕໍ່ ການພິມ ສະຫລາກ ຄຳຮຽກຮ້ອງຕໍ່ ເນື້ອໃນສະຫລາກ ການຄຸ້ມຄອງຕໍ່ ສະຫລາກ ເຄື່ອງຫຸ້ມຫໍ່ ໃນຂະບວນການ ຂົນສົ່ງ ເນື້ອໃນອື່ນໆ ໃນສະຫລາກ ແລະ ກາໝາຍຢາພື້ນເມືອງຈີນສຳເລັດຮູບຊະນິດພິເສດ.
(ບັນນາທິການຂ່າວ: ຕ່າງປະເທດ)
ຮຽບຮຽງ ຂ່າວໂດຍ: ສະໄຫວ ລາດປາກດີ
