ຂ່າວຕ່າງປະເທດລາຍງານ ໃນວັນທີ 12 ມິຖຸນາ ຜ່ານມາ, ສຳນັກງານອຸຕຸນິຍົມວິທະຍາຍີ່ປຸ່ນ (JMA) ໄດ້ເປີດເຜີຍບົດລາຍງານການເຂົ້າສູ່ລະດູຝົນຢ່າງເປັນທາງການ ໂດຍພື້ນທີ່ສ່ວນຫຼາຍຂອງປະເທດກຳລັງປະເຊີນກັບອາກາດປຽກຊຸ່ມຂຶ້ນ.
JMA ໄດ້ປະກາດການເລີ່ມຕົ້ນຂອງລະດູການດັ່ງກ່າວໃນ 3 ແຂວງຄື: ແຂວງໂຮຄຸຣິຄຸ, ແຂວງໂທໂຮຄຸພາກໃຕ້ ແລະ ແຂວງໂທໂຮຄຸພາກເໜືອ ໄດ້ເຂົ້າສູ່ລະດູຝົນ ຊຶ່ງເປັນໄລຍະເວລາທີ່ຍີ່ປຸ່ນມີທ່າອ່ຽງປະເຊີນກັບໄພພິບັດຈາກຝົນຕົກໜັກ ເນື່ອງຈາກມີເມກຫຼາຍ ແລະ ຝົນຕົກໜັກ ຫຼັງຈາກນີ້ JMA ຈະລາຍງານການສິ້ນສຸດຂອງລະດູຝົນເພີ່ມເຕີມ ໂດຍພິຈາລະນາການປ່ຽນແປງ ແລະ ທ່າອ່ຽງຂອງສະພາບອາກາດ. ທັງນີ້, ພາກພື້ນຫຼາຍແຫ່ງທີ່ຢູ່ທາງພາກຕາເວັນຕົກຂອງຍີ່ປຸ່ນເຂົ້າສູ່ລະດູຝົນໃນວັນທີ 29 ພຶດສະພາ ຜ່ານມາ ຂະນະທີ່ນະຄອນຫຼວງໂຕກຽວ ແລະ ແຂວງໃກ້ຄຽງເລີ່ມເຂົ້າສູ່ລະດູຝົນ ໃນວັນທີ 8 ມິຖຸນາ ຜ່ານມາ ຊຶ່ງຊ້າກວ່າປົກກະຕິ 1 ວັນ.
ອີກຢ່າງໜຶ່ງ, ປົກກະຕິແລ້ວລະດູຝົນໃນຍີ່ປຸ່ນມີໄລຍະເວລາປະມານ 1 ເດືອນເຄິ່ງ ຍົກເວັ້ນແຂວງຮອກໄກໂດ ທີ່ຢູ່ທາງພາກເໜືອສຸດຂອງປະເທດ ຊຶ່ງບໍ່ມີລະດູການນີ້.
