ວິທະຍຸກະຈາຍສຽງຫວຽດນາມລາຍງານວ່າ: ຂະແໜງສິນໃນນ້ຳ ຫວຽດນາມ ໄດ້ວາງເປົ້າໝາຍບັນລຸລາຍຮັບຈາກການສົ່ງອອກປະມານ 9 ຕື້ໂດລາ ໃນປີ 2023. ນີ້ແມ່ນຂໍ້ມູນໄດ້ຍົກອອກມາໃນກອງປະຊຸມຄົບຄະນະ, ສະມາຄົມປຸງແຕ່ງ ແລະ ສົ່ງອອກສິນໃນນ້ຳ ຫວຽດນາມ (VASEP) ຈັດຂຶ້ນໃນວັນທີ 12 ມິຖຸນາ ຜ່ານມາ ຢູ່ນະຄອນໂຮ່ຈິມິນ.
ຂ່າວລະບຸວ່າ: ແຕ່ຕົ້ນປີມາຮອດປັດຈຸບັນ, ແຫຼ່ງລາຍຮັບຈາກຂະແໜງສິນຄ້າຕົ້ນຕໍຄື: ກຸ້ງ, ປາຈາ ແລະ ສິນໃນນ້ຳລ້ວນແຕ່ຫຼຸດລົງ. ດ້ວຍບັນດາຄວາມຫຍຸ້ງຍາກຊຶ່ງຂະແໜງສິນໃນນ້ຳຕ້ອງປະເຊີນໜ້າ, ການສົ່ງອອກສິນໃນນ້ຳ ຫວຽດນາມ ຍາກທີ່ຈະຮັກສາວົງເງິນການສົ່ງອອກຄືປີ 2022 ໄດ້. ຄາດຄະເນວ່າ, ການສົ່ງອອກສິນໃນນ້ຳໃນປີນີ້ຈະຮັກສາໂຕເລກ 9 ຕື້ໂດລາ, ໃນນັ້ນການສົ່ງອອກກຸ້ງບັນລຸ 3,5 ຕື້ໂດລາ, ການສົ່ງອອກປາຈາ ບັນລຸ 1,9 ຕື້ໂດລາ ແລະ ການສົ່ງອອກສິນໃນທະເລບັນລຸ 3,6 ຕື້ໂດລາ. ທ່ານ ເຈືອງດິ່ງແຮ່ວ ເລຂານຸການໃຫຍ່ VASEP ໃຫ້ຮູ້ວ່າ: ຖ້າຫາກໃນເດືອນມິຖຸນາ ຍັງບັນລຸໄດ້ການເຕີບໂຕຢູ່ຕະຫຼາດ ອາເມຣິກາ ຄືເດືອນພຶດສະພາ ນັ້ນ, ກໍມີຄວາມຫວັງສະພາບການຕະຫຼາດຈະດີຂຶ້ນ. ພວກເຮົາຈະມີໂອກາດກຳໄດ້ລະດູການລ້ຽງ, ປູກ ຢ່າງທັນການໃນເດືອນສິງຫາ ແລະ ກັນຍາ. ຫວັງວ່າ, ປີນີ້ພວກເຮົາຈະບັນລຸໝາກຜົນ.
