ຕາມຂ່າວຈາກ ວິທະຍຸ ສາກົນ ແຫ່ງ ສປ ຈີນ,ວັນທີ 26 ມີນານີ້ ທ່ານ ອັນວາ ອິບຣາຮິມ, ນາຍົກ ລັດຖະມົນຕີ ມາເລເຊຍ ພ້ອມດ້ວຍ ຄະນະ ຈະ ເດີນທາງ ໄປຢ້ຽມຢາມ ສປ ຈີນ ຢ່າງເປັນທາງການ ເພື່ອປຶກສາຫາລືກັບ ສປ ຈີນ ກ່ຽວກັບ ການເພີ່ມທະວີ ການຮ່ວມມື ທີ່ມີຢູ່ ໃນປັດຈຸບັນ ແລະ ການພັດທະນາ ໂຄງການໃໝ່ ເນື່ອງຈາກ ສປ ຈີນ ມີປະສົບການ ທີ່ອຸດົມ ສົມບູນ ແລະ ຄວາມສາມາດ ຢ່າງເຂັ້ມແຂງ ໃນການກໍ່ສ້າງ ທາງລົດໄຟ, ມາເລເຊຍ ແລະ ສປ ຈີນ ມີໂຄງການ ຮ່ວມມື ທາງລົດໄຟ ຫລາຍໂຄງການ ໃນອະດີດ ລວມທັງ ແຜນການ ທາງລົດໄຟ ແຄມຝັ່ງທະເລ ຈີນໃຕ້. ຕາມແຜນການເດີມ, ທາງລົດໄຟ ຄວາມໄວສູງ ສິງກະໂປ-ກົວລາລຳເປີ ລົງມືກໍ່ສ້າງໃນປີ 2018, ແຕ່ມາເລເຊຍ ໄດ້ປ່ຽນຄະນະ ລັດຖະບານ ຫລາຍ ຊຸດ ຈຶ່ງເຮັດໃຫ້ ໂຄງການດັ່ງກ່າວ ຖືກແກ່ຍາວ ເວລາອອກໄປ ຫລາຍເທື່ອ. ວັນທີ 1 ມັງກອນປີ 2021, ສິງກະໂປ ແລະ ມາເລເຊຍ ໄດ້ຕົກລົງໂຈະ ແຜນ ການດັ່ງກ່າວ ຢ່າງເປັນທາງການ./.
(ບັນນາທິການຂ່າວ: ຕ່າງປະເທດ), ຮຽບຮຽງຂ່າວໂດຍ: ສະໄຫວ ລາດປາກດີ
