ຕາມຂ່າວຈາກ ຍີ່ປຸ່ນ,ວັນທີ27ມີນານີ້, ຍີ່ປຸ່ນ ແລະ ຣັດເຊຍ ບັນລຸ ຂໍ້ຕົກລົງ ອະນຸຍາດ ໃຫ້ກຳປັ່ນ ປະມົງ ຂອງຍີ່ປຸ່ນ ຈັບປາ ບໍລິເວນ ນ່ານນ້ຳ ໃນມະຫາສະມຸດ ປາຊີຟິກເໜືອໄດ້ ຕັ້ງແຕ່ ວັນທີ10 ເມສານີ້ ເປັນຕົ້ນໄປ ຫລັງຈາກ ມີການເຈລະຈາ ຜ່ານທາງ ອອນລາຍ ລະຫວ່າງ ເຈົ້າໜ້າທີ່ ກ່ຽວຂ້ອງ ຂອງທັງສອງ ປະເທດ ລວມທັງ ການຈັບປາ ແຊລມອນ ແລະ ປາເທຣາ ໃນເຂດ ເສດຖະກິດ ສະເພາະ ຂອງຍີ່ປຸ່ນ ບໍລິເວນທາງເໜືອ ຂອງເກາະຮອກໄກໂດ ພາຍຫລັງຍີ່ປຸ່ນ ໄດ້ຮັບໂຄຕ້າ ໃຫ້ຈັບປາ 2.050 ໂຕນ ແລະ ຈະຈ່າຍ ຄ່າທຳນຽມ ໃຫ້ແກ່ ຣັດເຊຍ ປະມານ 1,5 ຫາ 2,3 ລ້ານໂດລາສະຫະລັດ ໂດຍຂຶ້ນຢູ່ກັບ ຂະໜາດ ຂອງປາ ທີ່ຈັບໄດ້./.
(ບັນນາທິການຂ່າວ: ຕ່າງປະເທດ)
ຮຽບຮຽງຂ່າວໂດຍ: ສະໄຫວ ລາດປາກດີ
