ກອງປະຊຸມດັ່ງກ່າວໄດ້ຈັດຂື້ນໃນຕອນເຊົ້າຂອງ ວັນທີ 7 ມີນາ 2023 ນີ້ ສອນທີສະໂມສອນ #ເມືອງໃໝ່ ແຂວງຜົ້ງສາລີ ໂດຍພາຍໃຕ້ການເປັນປະທານຮ່ວມຂອງ ທ່ານ ນ ຈັນມະນີ ດວງພາສຸກ ສະມາຊິກສະພາແຫ່ງຊາດ ປະທານເລດເລືອກຕັ້ງ2 ແຂວງຜົ້ງສາລີ ຄະນະປະຈຳສະພາແຂວງ ປະທານຄະນະກຳມະການເສດຖະກິດ, ແຜນການ ແລະ ການເງິນ ສະພາປະຊາຊົນແຂວງ, ທ່ານ ທອງຄູນ ໄຊຍະຄອນ ຫົວໜ້າຄະນະສະມາຊິກສະພາປະຊາຊົນແຂວງປະຈຳເມືອງ , ທ່ານ ສົມປານ ຈັນທະລາ ຮອງຫົວໜ້າຄະນະສະມາຊິກສະພາປະຊາຊົນແຂວງປະຈຳເມືອງ ແລະ ທ່ານ ຄະນະສະມາຊິກສະພາປະຊາຊົນແຂວງປະຈຳເມືອງ ມີບັນດາ ຄະນະປະຈຳພັກເມືອງ, ກຳມະການປະຈຳພັກເມືອງ, ກຳມະການພັກເມືອງ,ຫົວໜ້າ-ຮອງຫົວໜ້າຫ້ອງການ, ພະນັກງານລັດຖະກອນ ເຂົ້າຮ່ວມຢ່າງພ້ອມພຽງ
ໃນກອງປະຊຸມດັ່ງກ່າວ ທ່ານ ນ ຈັນມະນີ ດວງພາສຸກ ໄດ້ຂື້ນກ່າວເປີດກອງປະຊຸມຢ່າງເປັນທາງການ ພ້ອມທັງຜ່ານບັນດາເນື້ອໃນມະຕິຜົນສຳເລັດກອງປະຊຸມສະໄໝສາມັນ ເທືື່ອທີ 4 ຂອງສະພາແຫ່ງຊາດ ຊຸດທີ IX ສະບັບເລກທີ 76, 7, 82, 83, 84/ສພຊ, ຈາກນັ້ນ ທ່ານ ທອງຄູນ ໄຊຍະຄອນ ໄດ້ຂື້ນຜ່ານເນື້ອໃນມະຕິຜົນສຳເລັດກອງປະຊຸມສະໄໝສາມັນ ເທືື່ອທີ 4 ຂອງສະພາແຫ່ງຊາດ ຊຸດທີ IX ສະບັບ ເລກທີ 78, 9, 80, 81/ສພຊ ແລະ ກົດໝາຍ 12 ສະບັບ, ພ້ອມນັ້ນ ທ່ານ ນ ບົວວັນ ສູນທອນວິຈິດ ຜ່ານເນື້ອໃນມະຕິຜົນສຳເລັດກອງປະຊຸມສະໄໝສາມັນ ເທືື່ອທີ 4 ຂອງສະພາແຫ່ງຊາດ ຊຸດທີ II ສະບັບເລກທີ 10, 11, 12,17, 18/ສພຊ, ແລນ ທ່ານ ນ ບົວວັນ ສູນທອນວິຈິດ ໄດ້ຜ່ານເນື້ອໃນມະຕິຜົນສຳເລັດກອງປະຊຸມສະໄໝສາມັນ ເທືື່ອທີ 4 ຂອງສະພາແຫ່ງຊາດ ຊຸດທີ II ສະບັບເລກທີ 13, 14, 15,16/ສພຊ ພ້ອມດຽວກັນນັ້ນຜູ້ແທນກອງປະຊຸມກໍຖັດປ່ຽນກັນມີຄຳເຫັນ ສະເໜີຕໍ່ກອງປະຊຸມ, ເຊິງກອງປະຊຸມສະໄໝສາມັນ ເທືື່ອທີ 4 ຂອງສະພາແຫ່ງຊາດ ຊຸດທີ IX ລວມມີ 22 ມະຕິ, ໃນນີ້ ວຽກງານຂົງເຂດລັດຖະບານ 4 ມະຕິ, ວຽກງານຂົງເຂດກວດສອບ ແລະ ກວດກາແຫ່ງລັດ 2 ມະຕິ, ວຽກງານຂົງເຂດສານປະຊາຊົນສູງສຸດ ແລະ ອົງການໄອຍະການປະຊາຊົນສູງສຸດ 2 ມະຕິ, ວຽກງານຂົດເຂດສະພາ 2 ມະຕິ, ແລະ ວຽກງານສ້າງ ແລະ ປັບປຸງກົດໝາຍ 12 ສະບັບ.
ໃນຕອນທ້າຍກອງປະຊຸມ ທ່ານ ນ ຈັນມະນີ ດວງພາສຸກ ໄດ້ຂື້ນມີຄຳເຫັນໂອ້ລົມ ພ້ອມທັງຮຽບຮ້ອງມາຍັງທຸກພາກສ່ວນເຊື້ອໝັ້ນຕໍ່ການນຳພາ-ຊີ້ພາ ຂອງພັກ-ລັດຂັ້ນເທິງ ປະຕິບັດລະບຽບຂອງພັກ, ກົດໝາຍຂອງລັດວາງອອກ ເອົາໃຈໃສ່ສຶກສາອົບຮົມການເມືອງແນວຄິດຢ່າງຕັ້ງໜ້າເລິກເຊິ່ງ ແລະ ພ້ອມກັນນຳເອົາບັນດານິຕິກຳ, ເນື້ອໃນກອງປະຊຸມ ໄປຈັດຕັ້ງຜັນຫຍາຍ ແລະ ນຳໃຊ້ໃນການດຳລົງຊີວິດຕົວຈິງ ໃຫ້ໄດ້ຮັບຜົນດີຕາມຄາດໝາຍທີ່ວາງໄວ້.
#ພາບ ຂ່າວ ວັນວິໄລ ຖວທ ເມືອງໃໝ່.
