ເຟສບຸກ ອາຊຽນຟຸດບອລ ຄາດການອັນດັບໂລກ ຫຼັງຈົບ FIFA Day ໃນເດືອນກັນຍາ 2022 ຫວຽດນາມ ຍັງຄົງຕິດອັນດັບ 100 ທີມຊາດໄທ ອັນດັບບໍ່ຫຍັບ, ສ່ວນ ອິນໂດເນເຊຍ ມາແຮງ. ວັນທີ 30 ກັນຍາ 2022 ຜ່ານມາ ຫຼັງຈາກທີ່ວັນ FIFA Day ໃນເດືອນກັນຍາສິ້ນສຸດລົງ ໜັາເວັບດັງຢ່າງ ອາຊຽນຟຸດບອລ. ໄດ້ເປີດເຜີຍການຄາດຄະເນອັນດັບໂລກ ກ່ອນທີ່ຈະມີການປະກາດໂດຍສະຫະພັນບານເຕະນາໆຊາດ ຫຼື FIFA ອີກຄັ້ງ. ທີມໃນອາຊຽນຕ່າງວາງແຜນອຸ່ນເຄື່ອງກັນທັງໝົດຕາມປະຕິທິນ FIFA ຄັ້ງລ່າສຸດ ວັນທີ 20-26 ກັນຍາທີ່ຜ່ານມາ ຕົວຢ່າງເກມສຳຄັນໆເຊັ່ນ ຫວຽດນາມ ເກັບໄຊໄດ້ທັງ 2 ເກມ ເໜືອສິງກະໂປ 4-0 ແລະ ອິນເດຍ 3-0.
ໄທ ເສຍໃຫ້ ມາເລເຊຍ ດ້ວຍການຍິງຈຸດໂທດ 4-6 ສະເໝີ (ແຕ່ຄະແນນສະເໝີກັນໃນ 90 ນາທີ 1-1) ແລະ ເອົາຊະນະ ຕຣີນິແດດ ແອນ ໂຕເບໂກ 2-1 ສ່ວນທີມທີ່ມາແຮງຄື ອິນໂດເນເຊຍ ຊະນະ ຄູຣາເຊົາ 3-2 ແລະ 2-1. ເຮັດໃຫ້ ທີມ “ດາວຄຳ” ອັນດັບພຸ່ງຂຶ້ນ 1 ໄປຢູ່ອັນດັບ 96 ຂອງໂລກ ເປັນອັນດັບ 1 ອາຊຽນຕາມເດີມ ສ່ວນມຊາດໄທ ທີ່ກູ້ສະຖານະການ ເອົາຊະນະ ຕຣິນິແດດ ແອນ ໂຕເບໂກ ອັນດັບ 101 ຂອງໂລກ ເຮັດໃຫ້ອັນດັບ ຍັງຄົງຢູ່ອັນດັບທີ 111 ຂອງໂລກຕາມເດີມ ຄອງອັນດັບ 2 ອາຊຽນ ຂະນະທີ່ ອິນໂດເນເຊຍ ກໍຊະນະ ຄູຣາເຊົາ ຢູ່ອັນດັບທີ 84 ຂອງໂລກ 2 ນັດຕິດ ອັນດັບເພີ່ມຂຶ້ນ 3 ຂັ້ນ ມາຢູ່ອັນດັບ 152 ຂອງໂລກ, ຄອງອັນດັບ 5 ອາຊຽນ.
