ບາເຊໂລນາ ສາມາດລົງທະບຽນ 4 ນັກເຕະໃໝ່ໄດ້ທັນເວລາ ກ່ອນທີ່ຈະລົງສະໜາມໃນ ລາ ລີກາ 2022-23 ນັດທໍາອິດ ຫຼັງໃຊ້ມາດຕະການປັບຕົວດ້ານເສດຖະກິດຄັ້ງທີ 4. ກ່ອນໜ້ານີ້ ບາເຊໂລນາ ມີບັນຫາໃນການບໍ່ສາມາດລົງທະບຽນນັກເຕະໃໝ່ທີ່ຄວ້າເຂົ້າມາໃນຕະຫຼາດລະດູຮ້ອນນີ້ 5 ຄົນ ປະກອບດ້ວຍ ໂຣເບີດ ເລວານດອຟສະກີ, ຣາຟິນຢາ, ຈູນ ກຸນເດ, ຟຣອງ ເກສຊີເຢ ແລະ ອັນເດຣສ ຄຣິສຕຽນເຊນ ລວມເຖິງນັກເຕະທີ່ກັບມາຕໍ່ສັນຍາກັບສະໂມສອນອີກ 2 ຄົນ ຄື ອຸສມາເນ ເດມເບເລ ແລະ ເຊຈີ ໂຣແບໂຕ ໃນລາລີກາ ໄດ້ ເນື່ອງຈາກບໍ່ຜ່ານການກວດສອບທາງການເງິນ ເຖິງແມ່ນຈະໃຊ້ມາດຕະການດ້ານເສດຖະກິດ 3 ຄັ້ງແລ້ວ.
ຈົນເມື່ອວັນທີ 12 ສິງຫາຜ່ານມານີ້ ບາເຊໂລນາ ໄດ້ຕັດສິນໃຈໃຊ້ມາດຕະການເສດຖະກິດເປັນຄັ້ງທີ 4 ດ້ວຍການຂາຍຫຸ້ນ Barca Studios ໃຫ້ກັບບໍລິສັດ Orpheus Media ອອກໄປອີກ 24,5% ຈົນມີລາຍຮັບເຂົ້າມາອີກ 100 ລ້ານເອີໂຣ ເຮັດໃຫ້ຫຼ້າສຸດ ລາ ລີກາ ໄດ້ແຈ້ງວ່າ ຂະນະນີ້ ບາເຊໂລນາ ສາມາດລົງທະບຽນນັກເຕະໃໝ່ໄດ້ແລ້ວ 4 ຄົນກ່ອນເກມລີກນັດທຳອິດພົບກັບ ຣາໂຢ ບາເລກາໂນ ໃນວັນທີ 13 ສິງຫານີ້ ປະກອບມີ ໂຣເບີດ ເລວານດອຟສະກີ, ຣາຟິນຢາ ຟຣອງ ເກສຊີເຢ ແລະ ອັນເດຣສ ຄຣິສຕຽນເຊນ ລວມທັງ ອຸສມານ ເດມເບເລ ແລະ ເຊຈີ ໂຣແບໂຕ ທີ່ລົງທະບຽນໄດ້ແລ້ວ. ໃນຂະນະທີ່ໃນກໍລະນີຂອງ ຈູນ ກຸນເດ ນັ້ນ ບາເຊໂລນາ ກໍາລັງຢູ່ໃນຂັ້ນຕອນເພື່ອໃຫ້ການລົງທະບຽນລຸລ່ວງ
