ວາລະສານ France Football ປະກາດລາຍຊື່ 30 ນັກເຕະທີ່ມີລຸ້ນເຂົ້າຊິງລາງວັນ Ballon d’Or ປີ 2022 ເຊິ່ງບໍ່ມີຊື່ຂອງ ລີໂອເນວ ເມສຊີ ກອງໜ້າຂອງ ປາຣີ ແຊັງ-ແຊັກແມັງ ເປັນຄັ້ງທຳອິດໃນຮອບ 17 ປີ. ສໍາລັບລາງວັນ Ballon d’Or ເຊິ່ງຈັດຂື້ນໂດຍວາລະສານ France Football ຂາກຝຣັ່ງ ຈະມອບໃຫ້ກັບນັກເຕະທີ່ມີຜົນງານດີທີ່ສຸດ ເຊີ່ງແຕ່ເດີມຈະພິຈາລະນາມອບລາງວັນຕາມປະຕິທິນແຂ່ງຂັນລາຍປີມາຕະຫຼອດ ແຕ່ວ່າໃນປີນີ້ ຈະປັບປຸງຮູບແບບການພິຈາລະນາຕາມປະຕິທິນແຂ່ງຂັນລະດູການເຕະບານລີກເອີຣົບ.
ຫຼ້າສຸດ ເມື່ອວັນທີ 12 ສິງຫາຜ່ານມານີ້ France Football ໄດ້ມີການປະກາດລາຍຊື່ນັກເຕະ 30 ຄົນສຸດທ້າຍທີ່ມີລຸ້ນຊິງລາງວັນດັ່ງກ່າວ ນຳໂດຍ ຄາຣິມ ເບນເຊມາ, ໂຣເບີດ ເລວານດອຟສະກີ, ໂມຮາເໝັດ ຊາລາ ແລະ ຄຣິສເຕຍໂນ ໂຣນັນໂດ ເປັນຕົ້ນ.
ແຕ່ວ່າກັບບໍ່ມີຊື່ຂອງ ລີໂອເນວ ເມສຊີ ດາວເຕະ PSG ແລະ ທີມຊາດອາກຊັງຕິນ ເຊິ່ງເປັນເຈົ້າຂອງລາງວັນ Ballon d’Or 7 ສະໄໝຢູ່ໃນບັນຊີລາຍຊື່ ພ້ອມເປັນຄັ້ງທໍາອິດນັບຕັ້ງແຕ່ປີ 2005 ຫຼື 17 ປີທີ່ນັກເຕະອາຍຸ 35 ປີບໍ່ໄດ້ຢູ່ໃນລາຍຊື່ ຫຼັງຈາກທີ່ເຮັດຜົນງານໄດ້ບໍ່ໜ້າພໍໃຈເມື່ອລະດູການທີ່ຜ່ານມາ.
ສະຫຼຸບລາຍຊື່ 30 ນັກເຕະລຸ້ນລາງວັນ Ballon d’Or ຝ່າຍຊາຍ
1. ເທຣນ ອະເລັກຊານເດີ-ອາໂນລ ( ລິເວີພູລ ອັງກິດ )
2. ຄາຣິມ ເບນເຊມາ (ຣິວ ມາດຣິດ, ຝຣັ່ງ)
3. ເຊົາ ກັນເຊໂລ (ແມນເຊັສເຕີ ຊິຕີ, ປອກຕຸຍການ)
4. ຄາເຊມີໂຣ (ຣີວ ມາດຣິດ, ບຣາຊິນ)
5. ຕິໂບ ກູຕົວ (ຣິວ ມາດຣິດ, ແບນຊິກ)
6. ເຄວິນ ເດີ ບຣອຍ (ແມນເຊັສເຕີ ຊິຕີ, ແບນຊິກ)
7. ຫຼຸຍ ດີອາຊ (ລີເວີພູລ, ໂກລົມບີ)
8. ຟາບິນໂຢ່ (ລີເວີພູລ, ບຣາຊິນ)
9. ຟິວ ໂຟເດ່ນ (ແມນເຊັສເຕີ ຊິຕີ, ອັງກິດ)
10. ເອີລິ່ງ ຮາແລນ (ແມນເຊັສເຕີ ຊິຕີ, ນອກແວ)
11. ເຊບາສຕຽນ ອັນແລ (ໂບຣຸສເຊຍ ດອດມຸນ, ໄອວໍຣີ ໂຄສ)
12. ແຮຣີ່ ເຄນ (ທັອດແນມ ຮອດສະເປີ, ອັງກິດ)
13. ໂຢຊົວ ຄິມມິກ (ບາເຢິນ ມິວນິກ, ເຢຍລະມັນ)
14. ຣາຟາເອວ ເລເອົາ (ເອຊີ ມິລານ, ປອກຕຸຍການ)
15. ໂຣເບີດ ເລວານດອຟສະກີ (ບາເຊໂລນາ, ໂປໂລຍ)
16. ຣິຢາດ ມາເຣຊ (ແມນເຊັສເຕີ ຊິຕີ, ອານເຈຣີ)
17. ໄມ ເມຢອງ (ເອຊີ ມິລານ, ຝຣັ່ງ)
18. ຊາດິໂອ ມາເນ (ບາເຢິນ ມິວນິກ, ເຊເນກັນ)
19. ຄີລີຢັນ ເອັມບັບເປ (PSG, ຝຣັ່ງ)
20. ລູກາ ໂມດຣິຊ (ຣີວ ມາດຣິດ, ໂຫຣເອຊີ)
21. ຄຣິສໂຕເຟີ ເອັນຄຸນຄູ (ໄລຊິກ, ຝຣັ່ງ)
22. ດາວິນ ນູເນສ ( ລິເວີພູລ, ອູຣູກວັຍ )
23. ຄຣິສເຕຍໂນ ໂຣນັນໂດ (ແມນເຊັສເຕີ ຢູໄນເຕັດ, ປອກຕຸຍການ)
24. ອັນໂຕນິໂອ ຣູດີເກີ (ຣີວ ມາດຣິດ, ໂຄຣເອເຊຍ, ເຢຍລະມັນ)
25. ໂມຮາເໝັດ ຊາລ່າ (ລີເວີພູລ, ອີຢິບ)
26. ແບນາໂດ ຊິວວາ (ແມນເຊັສເຕີ ຊິຕີ, ປອກຕຸຍການ)
27. ຊົນ ເຮືອງ ມິນ (ທັອດແນມ ຮອດສະເປີ, ສ ເກົາຫຼີ)
28. ເວີຈິວ ຟານໄດ (ລີເວີພູລ, ໂຮນລັງ)
29. ວິນິຊິອຸສ ຈູເນຍ (ຣິວ ມາດຣິດ, ບຣາຊິນ)
30. ດູຊານ ວະລາໂຮວິຊ (ຢູເວນຕຸສ, ເຊີເບຍ)
ພິທີມອບລາງວັນ Ballon d’Or ຈະຈັດຂຶ້ນໃນວັນທີ 17 ຕຸລານີ້.
