ວິທະຍຸກະຈາຍສຽງຫວຽດນາມ, ປະຈຸບັນ ປະເທດຊາດ ພວມສ້າງ ພື້ນຖານ ວັດທະນະທຳ ຫວຽດນາມ ໃຫ້ກ້າວໜ້າ, ເຂັ້ມຂຸ້ນໄປດ້ວຍສີສັນຊາດວັດທະນະທຳ ຕ້ອງໄປກ່ອນບາດກ້າວໜຶ່ງ ເພື່ອປັບປຸງຄວາມໄວ້ເນື້ອເຊື່ອໃຈ, ສ້າງເປັນກຳລັງແຮງ ດຶງດູດແຫ່ງຊາດ. ນີ້ແມ່ນ ຄຳເນັ້ນໜັກ ຂອງທ່ານ ໂຕເລິມ ເລຂາທິການໃຫຍ່ພັກ ກອມມູນິດ ຫວຽດນາມ ທີ່ພິທີ ສະເຫລີມ ສະຫລອງ 80 ປີ ແຫ່ງວັນມູນເຊື້ອຂະແໜງວັດທະນະທຳ (28 ສິງຫາ 1945–28 ສິງຫາ 2025) ຈັດຂືຶ້ນໃນວັນທີ 23 ສິງຫາ, ຢູ່ ຮ່າໂນ້ຍ ແລະ ປະດັບຫລຽນໄຊແຮງງານຊັ້ນ 1 ໃຫ້ກັບກະຊວງວັດທະນະທຳ, ກິລາ ແລະ ທ່ອງທ່ຽວຫວຽດນາມ, ທ່ານ ໂຕເລິມ ເລຂາທິການໃຫຍ່ຫວຽດນາມ ຊີ້ແຈ້ງວ່າປະຈຸບັນປະເທດຊາດ ພວມສ້າງພື້ນຖານວັດທະນະທຳຫວຽດນາມ ໃຫ້ກ້າວໜ້າ, ເຂັ້ມຂຸ້ນໄປດ້ວຍສີສັນຊາດ; ຍົກສູງບົດບາດຂອງມະນຸດແມ່ນໃຈກາງ, ແມ່ນເປົ້າໝາຍ, ແມ່ນກຳລັງໜູນຂອງການພັດທະນາ; ກ້າວໄປເຖິງການພັດທະນາອຸດສາຫະກຳວັດທະນະທຳ, ສ້າງຕະຫລາດວັດທະນະທຳໃຫ້ປອດໃສ.
ທ່ານ ໂຕເລິມ, ຊີ້ແຈ້ງວ່າ: “ການພັດທະນາອຸດສາຫະກຳວັດທະນະທຳ ແລະ ເສດຖະກິດ ປະດິດຄິດສ້າງກາຍເປັນເສົາຄ້ຳໃໝ່ ຂອງການເຕີບໂຕ; ສ້າງລະບອບລະບຽບການຕະຫຼາດດ້ານວັດທະນະທຳ, ກົນໄກການເງິນ, ທີ່ດິນ, ການລົງທຶນໃຫ້ສົມບູນແບບ; ສົ່ງເສີມວິສາຫະກິດວັດທະນະທຳ, startup ຢ່າງປະດິດຄິດສ້າງ; ພັດທະນາພື້ນຖານໂຄງລ່າງດີຈີຕອນໃຫ້ແກ່ການຜະລິດ, ຈຳໜ່າຍ, ບໍລິໂພກ ຜະລິດຕະພັນ ວັດທະນະ ທຳ; ສ້າງກຸ່ມ, ເຂດອຸດສາຫະກຳ ປະດິດຄິດສ້າງ ຕິດພັນກັບ ບັນດາເຂດ ຕົວເມືອງໃຫຍ່ ແລະ ສູນການທ່ອງທ່ຽວ”./.
(ບັນນາທິການຂ່າວ: ຕ່າງປະເທດ)
ຮຽບຮຽງ ຂ່າວໂດຍ: ສະໄຫວ ລາດປາກດີ
