ວິທະຍຸໂທລະພາບສູນກາງຈີນ CMG ໄດ້ລາຍງານວ່າ: ຕອນບ່າຍວັນທີ 20 ມັງກອນ ນີ້ຢູ່ຫໍສະພາປະຊາຊົນແຫ່ງຊາດ ທີ່ນະຄອນຫລວງປັກກິ່ງ, ທ່ານ ສີຈິ້ນຜິງ ເລຂາທິການໃຫຍ່ ຄະນະກໍາມະການສູນກາງພັກຄອມມູນິດຈີນ, ປະທານປະເທດຈີນ, ປະທານຄະນະກໍາມະການການທະຫານສູນກາງຈີນ ໄດ້ຮ່ວມກັບຜູ້ຮັບຜິດຊອບຂອງສູນກາງພັກຝ່າຍປະຊາທິປະໄຕຕ່າງໆ ແລະ ສະຫະພັນອຸດສາຫະກຳການຄ້າທົ່ວປະເທດ ກໍຄືຜູ້ຕາງໜ້າບຸກຄົນທີ່ບໍ່ສັງກັດພັກຝ່າຍໃດ ເພື່ອສະຫລອງຕ້ອນຮັບບຸນກຸດຈີນ ທີ່ຈະມາເຖິງ.
ໃນໂອກາດນີ້, ທ່ານ ສີຈິ້ນຜິງ ໄດ້ຕາງໜ້າສູນກາງພັກຄອມມູນິດຈີນ ສະແດງຄວາມຢື້ຢາມຖາມຂ່າວຢ່າງຈິງໃຈ ແລະ ອວຍພອນໄຊອັນປະເສີດໃຫ້ແກ່ພັກຝ່າຍປະຊາທິປະໄຕຕ່າງໆ, ສະຫະພັນອຸດສາຫະກຳການຄ້າທົ່ວປະເທດ, ບຸກຄົນທີ່ບໍ່ສັງກັດພັກຝ່າຍໃດ ກໍຄືສະມາຊິກທັງຫລາຍຂອງແນວໂຮມເອກະພາບ.
ທ່ານ ສີຈິ້ນຜິງ ໄດ້ສະເໜີຄວາມຫວັງ 3 ຂໍ້ຕໍ່ພັກຝ່າຍປະຊາທິປະໄຕຕ່າງໆ ແລະ ສະຫະພັນອຸດສາຫະກຳການຄ້າທົ່ວປະເທດ ກໍຄືບຸກຄົນທີ່ບໍ່ສັງກັດພັກຝ່າຍໃດ ຄື: 1. ຍົກສູງຫລັກໝັ້ນດ້ານການເມືອງ, ຮັດແໜ້ນຄວາມສາມັກຄີພາຍໃນຕື່ມອີກ; 2. ກໍາແໜ້ນວຽກງານໃຈກາງ, ປະກອບຄໍາຄິດຄໍາເຫັນຢ່າງຕັ້ງໜ້າ; 3. ເພີ່ມທະວີການກໍ່ສ້າງອົງການຕົນໃຫ້ເຂັ້ມແຂງ ເພື່ອຍົກສູງຄວາມສາມາດການປະຕິບັດພາລະໜ້າທີ່.
