ຕາມຂ່າວຕ່າງປະເທດ: ວັນທີ 25 ທັນວາ 2024 ເກີດເຫດເຮືອບິນຂອງສາຍການບິນອາເຊີໄບຈານແອລາຍ (Azerbaijan Airlines) ຕົກໃກ້ເມືອງອັກເຕົາໃນກາຊັກສະຖານ. ເຮືອບິນດັ່ງກ່າວມີຜູ້ໂດຍສານ ແລະ ລູກເຮືອ ລວມ 67 ຄົນ.
ຕາມການລາຍງານເບື້ອງຕົ້ນຈາກກະຊວງສະຖານະການສຸກເສີນຂອງຄາຊັດສະຖານພົບຜູ້ລອດຊີວິດ 25 ຄົນ ໃນນັ້ນ 22 ຄົນຖືກນໍາສົ່ງໂຮງໝໍແລ້ວເພື່ອຮັກສາອາການບາດເຈັບ.
ເຮືອບິນລໍາດັ່ງກ່າວເປັນຂອງສາຍການບິນ ອາເຊີໄບຈານ ແອລາຍ ຖ້ຽວບິນ J2-8243 ເຊິ່ງໃຊ້ເຮືອບິນ Embraer 190 ເດີນທາງ ຈາກນະຄອນຫລວງບາກູຂອງອາເຊີໄບຈານ ເພື່ອເດີນທາງໄປເມືອງກອດນີ ໃນເຂດເຊດເນຍຂອງຣັດເຊຍ ແຕ່ຕ້ອງປ່ຽນເສັ້ນທາງການບິນ ເນື່ອງຈາກມີໝອກໜາໃນພື້ນທີ່ປາຍທາງ.
