Tuesday, April 23, 2024
Homeຂ່າວກິລາປະທານບານເຕະອາຟຣິກາ ຍອມຮັບ “AFCON” ຄັ້ງໜ້າ ຍັງບໍ່ຮູ້ເຕະໄລຍະໃດ ຫຼັງອາດຖືກກັບສະໂມສອນໂລກ

ປະທານບານເຕະອາຟຣິກາ ຍອມຮັບ “AFCON” ຄັ້ງໜ້າ ຍັງບໍ່ຮູ້ເຕະໄລຍະໃດ ຫຼັງອາດຖືກກັບສະໂມສອນໂລກ

ປະທານອົງການບານເຕະອາຟຣິກາ ເປີດເຜີຍ ຍັງບໍ່ແນ່ໃຈວ່າການແຂ່ງຂັນເຕະບານອາຟຣິກາ ຄັບ ອອຟ ເນຊັ່ນ ຄັ້ງໜ້າທີ່ຈະຈັດຂຶ້ນຢູ່ມາຣົກ ໃນປີ 2025 ຈະແຂ່ງກັນໄລຍະເວລາໃດ ຫຼັງແຕ່ເດີມ ກຽມກັບໄປເຕະໃນໄລຍະລະດູຮ້ອນ ແຕ່ມີທ່າອ່ຽງທີ່ຈະປະທະກັນກັບ FIFA Club World Cup ຮູບແບບໃໝ່ທີ່ມີ 32 ສະໂມສອນເຂົ້າຮ່ວມການແຂ່ງຂັນ ເຊິ່ງຈະແຂ່ງຂັນໃນສະຫະລັດອາເມຣິກາໃນລະດູຮ້ອນຂອງປີດຽວກັນ.

ທ່ານ ປາທຣິຊ ມອດເຊເປ ປະທານສະຫະພັນບານເຕະອາຟຣິກາ (CAF) ອອກມາເປີດເຜີຍວ່າ ຍັງບໍ່ມີການຕັດສິນໃຈວ່າ ການແຂ່ງຂັນເຕະບານອາຟຣິກາ ຄັຟ ອອຟ ເນຊັ່ນ ຄັ້ງຕໍ່ໄປໃນປີ 2025 ຈະແຂ່ງຂັນກັນໃນໄລຍະເວລາໃດ ຫຼັງຈາກທີ່ມີຄວາມເປັນໄປໄດ້ວ່າອາດພ້ອມດຽວກັນກັບການແຂ່ງຂັນເຕະບານ FIFA Club World Cup ໃນໄລຍະລະດູຮ້ອນ.

ເສິກຊີງຄວາມເປັນໜຶ່ງແຫ່ງກາລະທະວີບໃນປີ 2021 ທີ່ກາເມີຣູນ ລວມເຖິງຄັ້ງນີ້, ເຊິ່ງກໍາລັງແຂ່ງຂັນກັນຢູ່ທີ່ ໄອວໍຣີໂຄສ ຖືກຈັດຂຶ້ນລະຫວ່າງເດືອນມັງກອນຫາເດືອນກຸມພາ ແຕ່ກ່ອນໜ້ານີ້ ມີການຕົກລົງກັນວ່າ ຈະໂຍກຍ້າຍການແຂ່ງຂັນລາຍການີ້ໄປຈັດຂຶ້ນໃນລະດູຮ້ອນ ເພື່ອຫຼີກເວັ້ນການຂັດແຍ່ງກັບບັນດາສະໂມສອນໃນລີກເອີຣົບ ທີ່ພົບບັນຫາເຈັບຫົວກັບການຕ້ອງປ່ອຍນັກເຕະມາຫຼິ້ນໃນລາຍການນີ້ໃນໄລຍະກາງລະດູການ.

ຢ່າງໃດກໍຕາມ ການແຂ່ງຂັນ AFCON 2025 ຈະເປັນເຈົ້າພາບໂດຍ ມາຣົກ ເຊິ່ງຈະກັບຄືນໄປຈັດການແຂ່ງຂັນໃນລະດູຮ້ອນນັ້ນ ມັນອາດຊົນກັນກັບເຕະບານຊີງແຊັມສະໂມສອນໂລກ ຮູບແບບໃໝ່ ທີ່ຈະ 32 ສະໂມສອນຮ່ວມແຂ່ງຂັນ ແລະ ຈະຈັດຂຶ້ນທີ່ສະຫະລັດອາເມຣິກາໃນໄລຍະລະດູຮ້ອນປີ 2025 ເຊັ່ນກັນ ນອກຈາກນີ້ ຍັງມີ 2 ສະໂມສອນໃຫຍ່ຈາກອາຟຣິກາ ຢ່າງ Al Ahly ຂອງອີຢິບແລະ Wydad Casablanca ຂອງ ມາຣົກ ທີ່ຕ້ອງໄປຫຼິ້ນໃນລາຍການດັ່ງກ່າວດ້ວຍ.

ປະທານໃຫຍ່ຂອງອົງການບານເຕະອາຟຣິກາ ກ່າວວ່າ: “ ເຮົາຕ້ອງການໃຫ້ ຄັບ ອອຟ ເນຊັ່ນ ຈັດການແຂ່ງຂັນກັນໃນໄລຍະເວລາທີ່ຜູ້ຄົນໃຫ້ຄວາມສົນໃຈທີ່ສຸດ ແລະ ສະດວກສໍາລັບທຸກຝ່າຍຫຼາຍທີ່ສຸດ ແລະ ເຮົາຍັງຄົງປະສານງານກັບ FIFA ໃນເລື່ອງໄລຍະເວລາຂອງການຈັດການແຂ່ງຂັນ “

RELATED ARTICLES

LEAVE A REPLY

Please enter your comment!
Please enter your name here

- Advertisment -
Google search engine

Most Popular

Recent Comments