ງານບຸນນະມັດສະການພຣະທາດອີງຮັງ ປະຈຳປີ 2023 ໄດ້ຈັດຂຶ້ນຢ່າງເປັນທາງການໃນຕອນບ່າຍວັນທີ 25 ທັນວາ 2023 ໂດຍການເຂົ້າຮ່ວມຂອງທ່ານ ບຸນໂຈມ ອຸບົນປະເສີດ ເຈົ້າແຂວງສະຫວັນນະເຂດ.
ໃນການຈັດງານຄັ້ງນີ້ ໄດ້ກຳນົດເອົາແຕ່ວັນທີ 21-27 ທັນວາ 2023 ຊຶ່ງໃນວັນທີ 25 ທັນວາ ແມ່ນເປັນມື້ເປີດງານຢ່າງເປັນທາງການ, ວັນທີ 26 ທັນວາ ເວລາ 14 ໂມງ ຈະມີພິທີແຫ່ປະສາດເຜິ້ງ ແລະ ຕອນເຊົ້າວັນທີ 27 ທັນວາ ມີພິທີຕັກບາດຖວາຍສັງຄະທານແດ່ພະສົງສຳມະເນນ; ສ່ວນຕອນຄ່ຳຄືນເວລາ 19 ໂມງ ມີພິທີວຽນທຽນ ແລະຈູດບັ້ງໄຟດອກບູຊາພຣະທາດ ຖືວ່າເສັດສິ້ນພິທີ.
