ໃນວັນທີ 26 ຕະລາ 2023 ພະນັກງານຄຸ້ມຄອງສື່ມວນຊົນຈາກ ສປປ ລາວ ນໍາໂດຍ ທ່ານ ໄພບູນ ພິລາທອງ ຫົວໜ້າພະແນກຄຸ້ມຄອງຜະລິດຕະພັນສື່ ກົມສື່ມວນຊົນ ກະຊວງ ຖະແຫລງຂ່າວ ວັດທະນະທໍາ ແລະ ທ່ອງທ່ຽວ ແຫ່ງ ສປປ ລາວ ເຂົ້າວາງພວງມາລາ ແລະ ທັດສະນະສຶກສາທີ່ອານຸສອນສະຖານປະທານ ໂຮຈີ່ມິ່ງ.
ການເຂົ້າວາງພວງມາລາ ແລະ ທັດສະນະສຶກສາຄັ້ງນີ້ ເພື່ອເປັນການລະນຶກເຖິງ ຄຸນງາມຄວາມດີ ຄຸນສົມບັດ ສິນທໍາປະຕິວັດ ຂອງປະທານໂຮຈີ່ມິ່ງ ທີ່ຍາມໃດເພິ່ນກໍໄດ້ອຸທິດເຫື່ອແຮງ ສະຕິປັນຍາ ເພື່ອປະເທດຊາດ ແລະ ປະຊາຊົນຫວຽດນາມ ກໍຄືປະຊາຊົນໃນຂົງເຂດອິນດູຈີນ.
ນອກນີ້ ກໍເພື່ອເປັນການປະກອບສ່ວນສໍາຄັນໃນການເສີມສ້າງມູນເຊື້ອຄວາມສາມັກຄີພິເສດ ແລະ ການຮ່ວມມືຮອດດ້ານລະຫວ່າງສອງພັກ ສອງລັດ ກໍຄື ປະຊາຊົນສອງຊາດລາວ-ຫວຽດນາມ ຫວຽດນາມ-ລາວ ໃຫ້ນັບມື້ໝັ້ນຄົງຕະຫລອດໄປ.
