ທ້າວ ເປ້ຍ ລາວພັກດີ ແລະ ນາງ ລັດສະໝີ ສີປະເສີດ 2 ນັກກິລາຍົກນໍ້າໜັກທີມຊາດລາວ ຈະເປັນຕົວແທນຄະນະນັກກິລາລາວຖືທຸງຊາດລາວ ນຳຄະນະເຂົ້າສູ່ພິທີເປີດການແຂ່ງຂັນເອຊຽນພາຣາເກມ ຫລື ກິລາຄົນພິການອາຊີ ຄັ້ງທີ 4 ທີ່ນະຄອນຫາງໂຈວ່ ສປ ຈີນ ວັນທີ 22 ຕຸລາ 2023 ນີ້ ທີ່ສະໜາມ Hangzhou Sports Park ໂດຍພິທີທາງການຈະເລີ່ມເວລາ 19:00 ໂມງ ຕາມເວລາໃນປະເທດລາວ ເຊິ່ງຊ້າກວ່າ ສປ ຈີນ 1 ຊົ່ວໂມງ.
ສຳລັບຜົນງານຂອງ ທ້າວ ເປ້ຍ ລາວພັກດີ ສາມາດຄວ້າຫລຽນລາງວັນລະດັບພາກພື້ນ, ທະວີບ ແລະ ສາກົນຫລາຍລາຍການ ເປັນຕົ້ນ ເອຊຽນພາຣາເກມ ຄັ້ງຜ່ານມາ ທີ່ອິນໂດເນເຊຍ ໄດ້ຫລຽນຄຳ.
ສ່ວນ ນາງ ລັດສະໝີ ສີປະເສີດ ຜົນງານຫລ້າສຸດ ໄດ້ 2 ຫລຽນເງິນ ອາຊຽນພາຣາເກມ ຄັ້ງທີ 11 ທີ່ອິນໂດເນເຊຍ ແລະ 1 ຫລຽນເງິນ 1 ຫລຽນທອງ ອາຊຽນພາຣາເກມ ຄັ້ງທີ 12 ທີ່ກຳປູເຈຍ.
