ຕາມຂ່າວຈາກວິທະຍຸສາກົນ ແຫ່ງ ສປ ຈີນ ວັນທີ 11 ກັນຍານີ້ ໃນເດືອນສິງຫາຜ່ານມານີ້ ຕົວເລກດັດຊະນີດ້ານການພັດທະນາວິສາຫະກິດຂະໜາດກາງ-ນ້ອຍ ຂອງ ສປ ຈີນ ໄດ້ເພີ່ມສູງຂຶ້ນ 3 ເດືອນ ຕິດຕໍ່ກັນ. ຫລັງຈາກສະມາຄົມ ວິສາຫະກິດຂະໜາດກາງ-ນ້ອຍ ຂອງ ສປ ຈີນ ປະກາດວ່າ: ຄຽງຄູ່ກັບການຈັດຕັ້ງປະຕິບັດນະໂຍບາຍຮັກສາການເຕີບໂຕ ຂອງເສດຖະກິດຕ່າງໆ ເປັນຕົ້ນ ການເປີດກວ້າງຄວາມຕ້ອງການພາຍໃນ, ຫລຸດພາສີອາກອນ ແລະ ຄ່າທຳນຽມ, ສົ່ງເສີມ ການພັດທະນາ ວິສາຫະກິດ ເອກະຊົນ, ກະຕຸ້ນ ໃຫ້ຕະຫລາດ ທຶນພັດທະນາ ມີທ່າອ່ຽງດີຂຶ້ນ, ສຳລັບ ຕົວເລກ ດັດຊະນີ ດັ່ງກ່າວ ໃນເດືອນສິງຫາ 2023 ແມ່ນ 89,4, ເພີ່ມຂຶ້ນ 0,1 ເມື່ອທຽບໃສ່ ເດືອນກໍລະກົດ, ນີ້ແມ່ນຕົວເລກ ເພີ່ມສູງຂຶ້ນ 3ເດືອນແລ້ວ ຫລັງຈາກ ໄດ້ເພີ່ມສູງຂຶ້ນ 0,2 ໃນເດືອນມິຖຸນາ ແລະ ເດືອນກໍລະກົດ ປີນີ້.
(ບັນນາທິການຂ່າວ: ຕ່າງປະເທດ)
ຮຽບຮຽງ ຂ່າວໂດຍ: ສະໄຫວ ລາດປາກດີ
