ລະບົບການຊໍາລະສະສາງທີ່ໃຫຍ່ທີ່ສຸດຂອງໂລກ ກໍຄື ຢູນຽນເພ ປະກາດເປັນຄູ່ຮ່ວມມື ກັບຄະນະກໍາມະການໂອລິມປິກແຫ່ງຊາດລາວ ໂດຍການໃຫ້ການສະໜັບສະໜູນ ເພື່ອສົ່ງເສີມວົງການກິລາລາວ ໃນວັນທີ 31 ສິງຫາ 2023 ຜ່ານມາ. ໃນການປະກອບສ່ວນການສະໜັບສະໜູນຂອງ ຢູນຽນເພ ໃນຄັ້ງນີ້, ນັກກິລາລາວ 2 ຄື: ທ່ານ ໄດ້ຮັບ ການຄັດເລືອກປະກອບມີ ທ່ານນາງ ລົດແກ້ວ ອິນທະກຸມມານ ຈາກສະຫະພັນ ແລນລານ ແຫ່ງຊາດລາວ ແລະ ທ່ານ ໜຸ່ມ ສຸວັນນະລິດ ຈາກສະຫະພັນກະຕໍ້ແຫ່ງຊາດລາວ, ທີ່ໄດ້ຮ່ວມ ໃນການສະແດງໃນຊຸດວິດີໂອ ໂປຣໂມດ ຢູນຽນເພ. ນີ້ເປັນການສະແດງຄວາມມຸ່ງໝັ້ນ ຂອງຢູນຽນເພ ຕໍ່ການພັດທະນາກິລາລາວ ແລະ ການກຽມ ພ້ອມ ກັບການແຂ່ງຂັນລະດັບສາກົນ ທີ່ຈະມາເຖິງນີ້. ວິດີໂອ ການນໍາສະເໜີ ຜະລິດຕະພັນ ຢູນຽນເພ ຖ່າຍ ທອດ ແບບແຜນການກຳລົງຊີວິດ ຂອງນັກກິລາ ແລະ ສະແດງໃຫ້ເຫັນ ຄວາມສະດວກສະບາຍ ໃນການຊໍາ ລະສະສາງເງິນ ຜ່ານແຜນງານການຝຶກຊ້ອມທີ່ໜັກໜ່ວງຂອງນັກກິລາ ດ້ວຍການຊໍາລະສະສາງ ທີ່ສະດວກສະ ບາຍຂອງ ຢູນຽນເພ ທີ່ມີເຄືອຂ່າຍຄວບຄຸມຫລາຍລ້ານຮ້ານຄ້າ ທີ່ຍອມຮັບບັດ ຢູນຽນເພ ໃນ 181 ປະເທດ ແລະ ເຂດແຄ້ວນ ລວມທັງ ຈຸດໝາຍປາຍທາງການທ່ອງທ່ຽວ ທີ່ໄດ້ຮັບຄວາມນິຍົມ ຢູ່ ສປ ຈີນ ແລະ ໄທ.
ທ່ານ Arthur Liu ຜູ້ຈັດການ ປະຈໍາຂົງເຂດຫວຽດນາມ ແລະ ສປປ ລາວ ຂອງບໍລິສັດ ຢູນຽນເພ ໄດ້ກ່າວວ່າ: ການຮ່ວມມື ກັບຄະນະກໍາມະການໂອລິມປິກແຫ່ງຊາດລາວ ຢູນຽນເພ ຮູ້ສຶກຍິນດີ ເປັນຢ່າງຍິງ ທີ່ໄດ້ປະສານຄວາມພະຍາຍາມ ໃນການສ້າງສາພັດທະນາ ສະພາບແວດລ້ອມທາງດ້ານການກິລາ ທີ່ດີ ໃຫ້ ສປປ ລາວ, ການຮ່ວມມືທາງກິລາ ເປັນຫລາຍກວ່າການແຂ່ງຂັນ ເພື່ອເອົາໄຊຊະນະ, ແຕ່ຍັງສະແດງໃຫ້ເຫັນບົດບາດ ທີ່ສໍາຄັນຂອງ ຢູນຽນເພ ໃນການຂັບເຄື່ອນວົງການກິລາ ແລະ ລະບົບການຊໍາລະສະສາງເງິນຢູ່ລາວ ເຊິ່ງຄວາມມຸ່ງຫວັງນີ້ ໄດ້ສະແດງຖ່າຍທອດໄວ້ ໃນວິດີໂອ ຂອງພວກເຮົາ.
ທ່ານ ແສງພອນ ພົນອາມາດ ຫົວໜ້າກົມກິລາລະດັບສູງ, ຮອງປະທານ ແລະ ເລຂາທິການ ກໍາມະ ການໂອລິມປິກແຫ່ງຊາດລາວ ໄດ້ກ່າວວ່າ: ພວກເຮົາ ມີຄວາມພາກພູມໃຈທີ່ ຢູນຽນເພ ອິນເຕີເນຊັນແນວ ໄດ້ ໃຫ້ການສະໜັບສະໜູນ ສົ່ງເສີມການພັດທະນາກິລາ ໃນ ສປປ ລາວ, ການສະໜັບສະໜູນນີ້ ຈະຊ່ວຍໃນການຝຶກອົບຮົມ ແລະ ພັດທະນາ ກິລາໃຫ້ດີຂຶ້ນ ເພື່ອການແຂ່ງຂັນ ຂອງນັກກິລາລາວ.
ຢູນຽນເພ ສຸມໃສ່ການເຮັດທຸລະກິດ ລະຫວ່າງປະເທດ ຊຶ່ງເປັນເຄືອຂ່າຍການຊໍາລະສະສາງລະດັບໂລກ ທີ່ໃຫ້ບໍລິການຖານຜູ້ຖືບັດ ທີ່ໃຫຍ່ທີ່ສຸດຂອງໂລກ. ໃນ ສປປ ລາວ ຢູນຽນເພ ມີສ່ວນແບ່ງການຕະຫລາດ ຫລາຍກ່ວາ 80% ແລະ ເປັນພັນທະມິດ ກັບບັນດາທະນາຄານແຖວໜ້າ ຂອງ ສປປ ລາວ ເຊັ່ນ: BCEL, Bank of China, ICBC, IndoChina Bank, JDB, LDB, ແລະ ທະນາຄານ Phongsavanh.
ການຊໍາລະເງິນຜ່ານດີຈິຕອນ ຢູ່ລາວ ມີແນວໂນ້ມເພີ່ມສູງຂຶ້ນ ໂດຍໃນການຄົ້ນຄວ້າ ໃນປີ 2023 ຊີ້ ໃຫ້ເຫັນວ່າ: ມູນຄ່າການຊໍາລະສະສາງ ທັງໝົດໃນ ສປປ ລາວ ຜ່ານລະບົບຕະຫລາດດີຈິຕອນ ມີມູນຄ່າສູງເຖິງ 1.341 ລ້ານໂດລາສະຫະລັດ ໃນປີ 2023, ແລະ ຄາດວ່າ ຈະເພີ່ມສູງຂຶ້ນອີກ ເປັນ 2.755 ລ້ານໂດລາ ສະຫະລັດ ໃນປີ 2027.
ທາມກາງທີ່ ສປປ ລາວ ຄ່ອຍໆປ່ຽນໄປເປັນສັງຄົມ ທີ່ບໍ່ໃຊ້ເງິນສົດ, ມີຫລາຍຄົນ ເລີ່ມຫັນມາປ່ຽນໃຊ້ ຢູນຽນເພ ເພື່ອການຊໍາລະສະສາງເງິນ, ເຮັດໃຫ້ການຊື້-ຂາຍ ມີຄວາມສະດວກສະບາຍຫລາຍຂຶ້ນ ທັງຢູ່ໃນລາວ ແລະ ຕ່າງປະເທດ. ຢູນຽນເພ ໃຫ້ຄໍາໝັ້ນສັນຍາ ວ່າ: ຈະສະໜອງ ການບໍລິການ ທີ່ປອດໄພ ແລະ ສະດວກສະບາຍ ໃຫ້ລູກຄ້າ ໃນທົ່ວໂລກ.
ຢູນຽນເພ ມຸ່ງເນັ້ນ ໄປທີ່ ທຸລະກິດລະຫວ່າງປະເທດ ຂອງຢູນຽນເພ ຊຶ່ງເປັນເຄືອຂ່າຍ ການຊໍາລະສະສາງ ລະດັບໂລກ ທີ່ໃຫ້ການບໍລິການ ຜູ້ຖືບັດທີ່ໃຫຍ່ທີ່ສຸດຂອງໂລກ ຮ້ານຄ້າຫລາຍຮ້ານໃນທົ່ວໂລກ ຮັບບັດຢູນຽນເພ ໃນ 181 ປະເທດ ແລະ ເຂດແຄ້ວນ ເຊັ່ນດຽວກັບຮ້ານຄ້າ ຫລາຍລ້ານແຫ່ງ ໃນ 47 ຕະຫລາດໂລກ ທີ່ຍອມຮັບ ລະບົບການຊໍາລະສະສາງ ຜ່ານ ຄິວອາໂຄດ, ຈຶ່ງເຮັດໃຫ້ ຢູນຽນເພ ກາຍເປັນເຄືອຂ່າຍ ການຊໍາລະສະສາງ ທີ່ໃຫຍ່ທີ່ສຸດຂອງໂລກ.
ໃນຖານະເປັນບໍລິສັດ ທີ່ມີເຄືອຂ່າຍການຍອມຮັບ ແລະ ການຊໍາລະສະສາງ ໃນທົ່ວໂລກ ຢູນຽນເພ ມຸ່ງໝັ້ນ ໃນການມອບການເຂົ້າເຖິງທາງອອກການຊໍາລະເງິນທີ່ຄຸ້ມຄ່າ ປອດໄພ ແລະ ປັບໃຫ້ເໝາະສົມກັບຄວາມຕ້ອງ ການຂອງຕະຫລາດ ທ້ອງຖິ່ນ ເພື່ອໃຫ້ເກີດທາງເລືອກ ແລະ ຄວາມສະດວກ ໃນການຊໍາລະສະສາງເງິນ ສໍາລັບ ຜູ້ບໍລິໂພກ ແລະ ນັກທຸລະກິດດ້ວຍກັນ.
ໃນອາຊີຕາເວັນອອກສຽງໃຕ້ ຢູນຽນເພ ເປີດນໍາໃຊ້ງານບໍລິການ ATM, POS, ການອອກບັດ ແລະ ກະເປົາເງິນ ເອເລັກໂຕຣນິກ ໃນ 10 ປະເທດ ອາຊຽນ. ຂໍ້ມູນເພີ່ມຕື່ມ ກ່ຽວກັບ ຢູນຽນເພ ສາມາດເບິ່ງໄດ້ທີ່ https://www.unionpayintl.com/en/
