ເປັບ ກວາດິໂອລ່າ ຍອມຮັບວ່າ ການທີ່ ຊາອູດິ ອາຣະເບຍ ທຸ່ມເງິນກ້ອນໃຫຍ່ໄປກັບການແຂ່ງຂັນບານເຕະ ອາດເຮັດໃຫ້ ພຣີເມຍລີກ ສັ່ນສະເທືອນໄປນໍາ.
ແມນເຊັສເຕີ ຊິຕີ ປ່ອຍໃຫ້ ຣີຢາດ ມາເຣສ ຍ້າຍໄປຢູ່ກັບ ອັນ ອາລີ ແລ້ວ ແລະ ອີກຫຼາຍສະໂມສອນໃນ ຊາອຸດີ ອາຣາເບຍ ກໍເຊັນນັກເຕະຊັ້ນແນວໜ້າໄປຫຼາຍຄົນເຊັ່ນ: ຄາຣິມ ເບນເຊມາ, ເອນໂກໂລ ກັອງເຕ, ຣູເບັນ ເນເວສ, ຄາລິດູ ຄູລິບາລີ, ໂຣແບໂຕ ຟິເມຍໂນ ແລະ ຈໍແດນ ເຮັນເດີສັນ.
ຜູ້ຈັດການຊາວກາຕາລັນເຫັນວ່າ ຕອນນີ້ ຄວາມເປັນຈິງຄື ພຣີເມຍລີກ ຈະຕ້ອງພົບກັບການແຂ່ງຂັນໃນເລື່ອງການລົງທຶນກັບ ທາງ ຊາອູດິ ອາຣະເບຍ.
“ ມັນບໍ່ພຽງແຕ່ເປັນໄພຂົ່ມຂູ່ ແຕ່ມັນຄືຄວາມຈິງ ພວກເຂົາຢາກສ້າງລີກທີ່ແຂງແກ່ນ ແລະ ຈົນເຖິງຕອນນີ້ ພວກເຂົາຄືລີກທີ່ ເຮັດແບບນັ້ນໄດ້ ” ເປັບ ກວາດິໂອລ່າ ກ່າວ.
“ ພຣີເມຍລີກ ໃຊ້ເງິນຫຼາຍກວ່າລີກອື່ນ ເພາະການຈັດຕັ້ງຂອງ ພຣີເມຍລີກ ດີກວ່າ ລວມເຖິງເງິນຈາກການຖ່າຍທອດສົດ ແລະ ການສະໜັບສະໜຸນກໍສູງກວ່າລີກອື່ນ ດັ່ງນັ້ນ ຫຼາຍສະໂມສອນເລີຍໃຊ້ເງິນໄດ້ຕາມທີ່ພວກເຂົາມີ. “
“ ຕອນນີ້, ຂ້ອຍບໍ່ຮູ້ວ່າລີກ ຊາອູດິ ຈະເຮັດແນວນັ້ນໄປໄດ້ດົນປານໃດ ແຕ່ຂ້ອຍຮູ້ສຶກວ່າພວກເຂົາຈະບໍ່ຫາຍໄປໃສ ຂ້ອຍຂໍເວົ້າວ່າ ນັກເຕະຢາກໄດ້ປະສົບການໃນການຫຼິ້ນໃນລີກນັ້ນ ແລະ ພວກເຂົາກໍຄວ້ານັກເຕະໄປໄດ້.
“ສອງສາມເດືອນກ່ອນ, ມີພຽງແຕ່ ຄຣິສເຕຍໂນ່ ໂຣນັນໂດ ຍ້າຍໄປຄົນດຽວ. ບໍ່ມີໃຜຄິດດອກ ວ່ານັກເຕະດີເດັ່ນຫຼາຍຄົນ ຈະຍ້າຍໄປຫຼິ້ນໃນຊາອູດິ ”
“ ຂ້ອຍຄິດວ່າ ຈະມີຫຼາຍຍິ່ງຂຶ້ນໃນອະນາຄົດອັນໃກ້ນີ້ ເພາະຢ່າງນັ້ນ ທຸກໆສະໂມສອນຈຶ່ງຕ້ອງຮູ້ເຖິງສິ່ງທີ່ຈະເກີດຂື້ນ ເພາະ ສຸດທ້າຍແລ້ວ ຣິຢາດ ມາເຣຊ ໄດ້ຮັບຂໍ້ສະເໜີທີ່ບໍ່ໜ້າເຊື່ອ.
ເຂົາຍັງບອກວ່າ ບໍ່ໄດ້ຢາກປ່ອຍໃຫ້ ມາເຣຊ ຍ້າຍອອກຈາກທີມໄປເລີຍ ແລະ ຈະບໍ່ແມ່ນເລື່ອງງ່າຍທີ່ຈະຊອກຫານັກເຕະ ມາທົດແທນ.
” ເຮົາຄິດໄວ້ວ່າເຂົາຈະຢູ່ຕໍ່ ແນ່ນອນຂ້ອຍມັກການຝຶກສອນລາວ ຂ້ອຍມີຄວາມສໍາພັນພິເສດກັບລາວ. ຄວາມສໍາພັນຂອງ ເຮົາ ຄືການໃຫ້ຄວາມເຄົາລົບກັນເປັນຢ່າງຍິ່ງ ”
“ ຕະຫຼອດອາຊີບຂອງຂ້ອຍ ເຂົາເປັນໜຶ່ງໃນນັກເຕະທີ່ຮູ້ສຶກມີຄວາມສຸກທີ່ສຸດ ເຂົາລົງຫຼິ້ນໃນມື້ນີ້ ແລະ ສືບຕໍ່ມື້ອື່ນໄດ້ ມີທັກສະ ແລະ ເຕັກນິກທີ່ສຸດຍອດ ທີມໂຕ໊ຊກໍຮັກເຂົາ ເປັນຄົນສໍາຄັນໃນຄວາມສໍາເລັດທີ່ພວກເຮົາໄດ້ຮັບໃນໄລຍະ 5 ປີທີ່ຜ່ານມາ.”
“ມັນບໍ່ແມ່ນເລື່ອງງ່າຍທີ່ຈະທົດແທນນັກເຕະແບບນີ້ ເຂົາບໍ່ໄດ້ຮູ້ສຶກກົດດັນ ເຂົາເປັນຄົນທີ່ຕ້ອງໄດ້ລົງໃນສະໜາມທຸກໆມື້ ຈຶ່ງມີຄວາມສຸກ ຂ້ອຍເຂົ້າໃຈດີຫຼາຍ [ວ່າເປັນຫຍັງເຈົ້າຈຶ່ງຍ້າຍອອກໄປ?] ຂ້ອຍຮູ້ວ່າເປັນເລື່ອງຍາກຂະໜາດໃດທີ່ບໍ່ໄດ້ຫຼິ້ນໃນ ເອຟເອ ຄັບ ແລະ ແຊມປ້ຽນລີກ ນັດຊີງຊະນະເລີດ “
