ສຳນັກຂ່າວ ຊິນຮວາ ຂອງ ສປຈີນ, ວັນທີ 17 ກໍລະກົດ, ສຳນັກຂ່າວ ອາຣັບບີ ຊາອຸດິດ ລາຍງານວ່າ: ຄະນະມົນຕີ ການຮ່ວມມືລັດ ອ່າວອາຣັບ (GCC) ແລະ ຍີ່ປຸ່ນ ປະກາດເລີ່ມ ການເຈລະຈາ ຂໍ້ຕົກລົງ ການຄ້າເສລີ (FTA) ອີກຄັ້ງ. ໂດຍ ທັງສອງຝ່າຍ ໄດ້ລົງນາມ ໃນຖະແຫລງການຮ່ວມ ຢູ່ໃນເມືອງ ເຈດດາ ຂອງ ອາຣັບບີ ຊາອຸດິດ ເພື່ອກັບຄືນມາ ດຳເນີນງານ ເຈລະຈາ ນອກກອບ ໃນກອງປະຊຸມ ລະຫວ່າງ ທ່ານ ຈາເຊມ ໂມຮາເຫມັດ ອັລບູໄດວີ ເລຂາທິການ ຄະນະ ມົນຕີ ແລະ ທ່ານ ຟູມິໂອະ ຄີຊີດະ ນາຍົກ ລັດຖະມົນຕີ ຍີ່ປຸ່ນ ຊຶ່ງ ຍັງຢູ່ໃນ ລະຫວ່າງ ການຢ້ຽມຢາມ ອາຣັບບີ ຊາອຸດິດ ຢ່າງເປັນ ທາງການ. ນອກນັ້ນ, ທ່ານ ຈາເຊມ ໂມຮາເຫມັດ ອັລບູໄດວີ ກ່າວວ່າ: ປັດຈຸບັນ ຍີ່ປຸ່ນ ເປັນຕະຫລາດ ສົ່ງອອກ ແລະ ແຫລ່ງນໍາເຂົ້າ ຂະຫນາດໃຫຍ່ ອັນດັບ 4 ຂອງ ຄະນະມົນຕີ ການຮ່ວມມືລັດ ອ່າວອາຣັບ. /.
