ສຳນັກຂ່າວຊິນຮວາຂອງ ສປ ຈີນ ວັນທີ 17 ກໍລະກົດ ທະນາຄານເພື່ອການພັດທະນາກະສິກຳແຫ່ງປະເທດຈີນ (ADBC) ເປັນໜຶ່ງໃນທະນາຄານ ເຊິ່ງນະໂຍບາຍຂອງຈີນ ໄດ້ອອກເງິນກູ້ພາຍໃນປະເທດ ປະມານ 1,61 ພັນຕື້ຢວນ (ສະກຸນເງິນຈີນ) ໃນໄລຍະເດືອນມັງກອນ-ເດືອນມິຖຸນາ ຊຶ່ງເປັນຕົວເລກສະຖິຕິສູງສຸດເປັນຄັ້ງປະຫວັດສາດ (ໄລ່ເຖິງທ້າຍເດືອນມິຖຸນາ) ໂດຍຍອດສິ່ນເຊື່ອສຸດທິທີ່ອອກໂດຍທະນາຄານ ລວມມີ 8,29 ແສນລ້ານຢວນ, ໃນຂະນະທີ່ຍອດສິນເຊື່ອຄົງຄ້າງລວມມີ 8,57 ພັນຕື້ຢວນໃນໄລຍະເວລາດັ່ງກ່າວ.
ໂດຍ ທະນາຄານ ໄດ້ຈຳໜ່າຍ ພັນທະບັດ ປະມານ 1,25 ພັນຕື້ຢວນ ໃນໄລຍະ 6 ເດືອນຕົ້ນປີນີ້ ທ່າມກາງ ຄວາມພະຍາຍາມ ເພີ່ມການ ສະໜັບສະໜູນ ດ້ານແຫລ່ງເງິນທຶນ ໃຫ້ແກ່ຂະແໜງ ການ ກະສິກຳ ແລະ ພື້ນທີ່ ຊົນນະບົດ ຂອງ ຈີນ. ທັ້ງນີ້ ທະນາຄານ ເພື່ອການພັດທະນາ ກະສິກຳ ແຫ່ງປະເທດ ຈີນ ໄດ້ກໍ່ຕັ້ງຂຶ້ນ ໃນປີ 1994 ແລະ ເປັນທະນາຄານ ເຊິ່ງ ນະໂຍບາຍ ດ້ານກະສິກຳ ພຽງແຫ່ງດຽວ ໃນ ຈີນ ໂດຍ ພາຍໃຕ້ ການກຳກັບ ດູແລ ໂດຍກົງ ຂອງ ຄະນະລັດ ຖະມົນຕີ ຈີນ./
