ໃນທ້າຍອາທິດຜ່ານມານີ້ ທ່ານ ນິໂຄລັສ ມໍຣ ທູດພິເສດຮັບຜິດຊອບວຽກ ງານ ດ້ານເສດຖະກິດໃນພາກພື້ນອາຊີຕາເວັນອອກສຽງໃຕ້ຂອງອົດສະ ຕຣາລີ ພ້ອມດ້ວຍຄະນະໄດ້ໄປຢ້ຽມຢາມດ່ານສາກົນສິນຄ້າທ່າບົກທ່ານາ ແລ້ງ ແລະ ເຂດໂລຊິດສະຕິກນະຄອນຫຼວງວຽງຈັນ ຕັ້ງຢູ່ບ້ານດົງໂພສີ ເມືອງຫາດຊາຍຟອງ ນະຄອນ ຫຼວງວຽງຈັນ ຖືກຕ້ອນຮັບໂດຍ ທ່ານ ອາ ລຸນແກ້ວ ກິດຕິຄຸນ ປະທານກຳມະການບໍລິຫານຍຸດທະສາດ ແລະ ການ ວາງແຜນ ບໍລິສັດ ພີທີແອວໂຮນດິ້ງ ຈຳກັດພ້ອມດ້ວຍຄະນະ.
ໂອກາດນີ້ ທ່ານ ອາລຸນແກ້ວ ກິດຕິຄຸນ ໄດ້ກ່າວຕ້ອນຮັບ ພ້ອມທັງລາຍ ງານກ່ຽວກັບການພັດທະນາໂຄງ ການ Laos Logistics Link (LLL) ທີ່ລວມມີ 4 ໂຄງການໃຫຍ່ຄື: ໂຄງການທ່າບົກທ່ານາແລ້ງ ແລະ ເຂດໂລຊິດສະຕິກ ນວ 2. ທ່າເຮືອຫວຸ້ງອ່າງ ສສ ຫວຽດນາມ ເສັ້ນທາງລົດໄຟລາວ-ຫວຽດນາມ ແລະ ໂຮງງານຜະລິດໄຟຟ້າດ້ວຍຖ່ານຫີນ 2000 MV ທີ່ແຂວງຄຳມ່ວນ ໃນ ຜ່ານມາໄດ້ມີບັນດາທູດ ແລະ ອົງການຈັດຕັ້ງສາກົນປະຈຳລາວຫຼາຍປະເທດ ໄດ້ມາຢ້ຽມຢາມໂຄງການດັ່ງກ່າວ ແລະ ຜ່ານການຢ້ຽມຢາມເບິ່ງຕົວຈິງກໍໄດ້ຮັບການຍ້ອງຍໍຊົມເຊີຍ ພ້ອມທັງຍິນດີທີ່ຈະໃຫ້ການສະໜັບສະໜູນໂຄງ ການໃຫ້ມີຜົນສຳ ເລັດ ເຊິ່ງທ່າບົກທ່ານາແລ້ງ ແລະ ເຂດໂລຊິດສະຕິກນະ ຄອນຫຼວງວຽງຈັນເປີດໃຫ້ບໍລິການນັບແຕ່ວັນທີ 4 ທັນ ວາ 2021 ເປັນຕົ້ນ ມາ ແລະ ໄດ້ຮັບລະຫັດເປັນທ່າເຮືອທາງບົກຈາກອົງການສະຫະປະຊາຊາດ ໂດຍຈະໃຊ້ເປັນສະຖານີຕົ້ນທາງ ແລະ ສະຖານີປາຍທາງການຂົນສົ່ງລະ ຫວ່າງປະເທດ.
ຕອນທ້າຍທູດພິເສດຍັງໄດ້ແລກປ່ຽນບາງບັນຫາທີ່ມີຄວາມສົນໃຈພ້ອມ ທັງໄດ້ຢ້ຽມຢາມເບິ່ງຫ້ອງ ການປະຕິບັດງານຂອງທ່າບົກທ່ານາແລ້ງ ຫ້ອງ ການພາສີ ລານຕູ້ສິນຄ້າຊີວາຍ ແລະ ສ້າງຄຽນຖ່າຍສິນຄ້າຈຸດເຊື່ອມຕໍ່ລົດ ໄຟລາວ-ໄທ ແລະ ລາວ-ຈີນຕື່ມອີກ.
…………………………………………
