ສຳນັກຂ່າວ ຊິນຮວາ ຂອງ ສປ ຈີນ ວັນທີ 17 ກໍລະກົດນີ້ ສະຖິຕິຜູ້ຕິດເຊື້ອພະຍາດໄຂ້ເລືອດອອກໃນບັງກລາເທດ ເພີ່ມຂຶ້ນເປັນ 11.476 ຄົນ ແລະ ເສຍຊີວິດ 54 ຄົນ. ໃນນີ້ ມີຜູ້ຕິດເຊື້ອລາຍໃໝ່ 1.623ຄົນ ແລະ ມີຜູ້ເສຍຊີວິດເພີ່ມຂຶ້ນ 7 ຄົນ ຖືວ່າ ການແພ່ລະບາດພະຍາດໄຂ້ເລືອດອອກໃນປະເທດນີ້ ພວມກ້າວເຂົ້າສູ່ວິກິດໂດຍຜູ້ຕິດເຊື້ອສ່ວນໃຫຍ່ມີອາການເຈັບຫົວ, ໄຂ້ສູງ, ອ່ອນເພຍ, ປວດຕາມກ້າມຊີ້ນ-ປວດຕາມຂໍ້ຢ່າງຮຸນແຮງ, ຕ່ອມນ້ຳເຫລືອບວມ, ປວດຮາກ ແລະ ມີຜື່ນແດງຂຶ້ນຕາມຮ່າງກາຍ.
(ບັນນາທິການຂ່າວ: ຕ່າງປະເທດ)
ຮຽບຮຽງ ຂ່າວໂດຍ: ສະໄຫວ ລາດປາກດີ
