ເມື່ອວັນທີ 16 ກໍລະກົດ 2023 ຜ່ານມາ ເມລິຊາ ເຣດດີ ສື່ຂ່າວຊື່ດັງຂອງສະກາຍສະປອດ ເປີດເຜີຍວ່າ ລິເວີພູລ ໄດ້ລະບຸລາຍຊື່ 4 ນັກເຕະທີ່ຈະຄວ້າມາເປັນຕົວແທນຂອງ ຟາບິນໂຢ ແລ້ວ ຫຼັງຈາກກອງກາງຕົວຮັບທີມຊາດບຣາຊິນ ກຽມຍ້າຍອອກຈາກຕົ້ນສັງກັດໃນ ພຣີເມຍລີກ ອັງກິດ ແລະ ຍ້າຍໄປຢູ່ກັບ ອັລ ອິດຕີຮັດ ແຊັມລີກຊາອຸດີ ອາຣາບີ ລະດູການທີ່ຜ່ານມາ ພ້ອມທີ່ຈະຈ່າຍຄ່າຕົວ 40 ລ້ານປອນ.
ທັງນີ້ ຟາບິນໂຢ ບໍ່ຢູ່ໃນບັນຊີລາຍຊື່ຂອງນັກເຕະລີເວີພູລ ຊຸດທີ່ເດີນທາງໄປເຂົ້າແຄັມເກັບຕົວກ່ອນລະດູການທີ່ປະເທດເຢຍລະມັນ ເຮັດໃຫ້ຖືກຈັບຕາເບິ່ງວ່າ ອາດຍ້າຍໄປຄ້າຝີຕີນກັບ ອັນ ອິດຕິຮັດ ໃນລີກຂອງ ຊາອຸດີ ອາຣາເບຍ ຂ້ອນຂ້າງແນ່ນອນແລ້ວ ຢ່າງໃດກໍຕາມ, ເມລິຊາ ເຣດດີ ລະບຸວ່າ ມອຍເຊສ ໄກເຊໂດ ກອງກາງຕົວຮັບຂອງ ໄບຣຕັນ ແອນ ໂຮຟ ອັລບຽນ ບໍ່ໄດ້ຢູ່ໃນລາຍຊື່ເປົ້າໝາຍຂອງ ລີເວີພູລ ຕາມທີ່ເປັນຂ່າວກ່ອນໜ້ານີ້
ເມລິຊາ ເຣດດີ ເປີດເຜີຍເຖິງ 4 ເປົ້າໝາຍທີ່ ລິເວີພູລ ເພັ່ງເລັງໄວ້ເປັນຕົວແທນ ຟາບິນໂຢ ວ່າ: “ ລິເວີພູລ ໄດ້ປະເມີນຕົວແທນໃນໄລຍະຍາວຂອງ ຟາບິນໂຢ ເຊິ່ງໃນບັນດາຊື່ທີ່ຖືກສະເໜີຂຶ້ນມາ ໄດ້ແກ່ ໂຊຟີຢານ ອຳຣາບັດ (ຟິອໍເຣນຕິນາ), ໄຣອັນ ກຣາເຟນເບີກ (ບາເຢິນ ມິວນິກ), ຄັນວິນ ຟິວລິບ (ແມນເຊສເຕີ ຊີຕີ) ແລະ ໂຣເມໂອ ລາເວຍ (ເຊົາແທມຕັນ)”
” ສ່ວນ ມອຍເຊສ ໄກເຊໂດ (ໄບຣຕັນ) ບໍ່ໄດ້ຢູ່ໃນລາຍຊື່ຂອງພວກເຂົາ.”
ກ່ອນໜ້ານີ້ ລິເວີພູລ ກໍາລັງລຸ້ນຄວ້າຕົວ ໂຣມິໂອ ລາເວຍ ດາວຮຸ່ງອາຍຸ 19 ປີ ມາເສີມທັບຄົນທີ 3 ໃນລະດູຮ້ອນນີ້ ຕໍ່ຈາກ ອະເລັກຊິສ ແມັກ ອັນລິສເຕີ ແລະ ໂດມິນິກ ໂຊໂບໄລ ແຕ່ ເຊົາແຮມຕັນ ຕ້ອງການຄ່າຕົວສູງເຖິງ 50 ລ້ານປອນ.
