ຕາມຂ່າວຈາກ ວິທະຍຸ ສາກົນ ຫວຽດນາມ,ເມື່ອບໍ່ດົນມານີ້ ເກີດອຸບັດເຫດ ເຮືອບິນ ທ່ອງທ່ຽວ ຕົກໃກ້ກັບ ຈອມພູມ ເອເວີເຣສ(Everest) ຢູ່ເນປານ ເຮັດໃຫ້ ຜູ້ໂດຍສານ ແລະ ນັກບິນ ເສຍຊີວິດ ທັງໝົດ 6ຄົນ ຊຶ່ງເປັນ ເຮືອບິນ ເຮີຣີກົບເຕ້ ການຄ້າ ເອກະຊົນ ໂດຍບໍລິສັດ Manang Air ບໍລິຫານ ສ່ວນໃຫຍ່ ຂົນສົ່ງ ນັກທ່ອງທ່ຽວ ທີ່ຢາກຊົມ ທັດສະນີຍະພາບ ຂອງປະເທດ ຈາກຍອດພູສູງ, ລວມມີ ຍອດພູ Everest ເຊິ່ງເປັນຍອດພູ ສູງສຸດ ໃນໂລກ. ເຮືອ ບິນ ລຳດັ່ງກ່າວ ໄດ້ເລີ່ມບິນ ແຕ່ເທດສະບານເມືອງ ເຊີເກ(Surke), ຂຶ້ນກັບ ເມືອງໂຊລູຮັນວູ(Solukhunvhu) ຂາດສັນຍານ ຕິດຕໍ່ພາຍຫລັງ ບິນຂຶ້ນ ໄດ້ປະ ມານ 15 ນາທີ. ຫລັງຈາກນັ້ນ, ຊາວທ້ອງຖິ່ນ ກໍພົບເຫັນ ສິ້ນສ່ວນ ຂອງເຮືອບິນ ລຳນີ້ ຕົກຢູ່ບ້ານ ລຳຈູຣາ(Lamjura), ເມືອງ ໂຊລູຮັນວູ(Solukhunvhu).ປັດຈຸ ບັນ ເຈົ້າໜ້າທີ່ ກ່ຽວຂ້ອງ ພວມສືບສວນ ສອບສ່ວນ ຫາສາເຫດ ທີ່ເກີດຂຶ້ນ ໃນຄັ້ງນີ້./.
(ບັນນາທິການຂ່າວ: ຕ່າງປະເທດ)
ຮຽບຮຽງ ຂ່າວໂດຍ: ສະໄຫວ ລາດປາກດີ
