ຕາມຂ່າວຈາກວິທະຍຸສາກົນຫວຽດນາມ ເມື່ອບໍ່ດົນມານີ້, ກະຊວງແຜນການ ແລະ ການລົງທຶນຫວຽດນາມ ໄດ້ສົມທົບກັບ ສະຫະພັນ ວິສາ ຫະກິດ ສິງກະໂປ ຈັດເວທີ ປາໄສ ວິສາຫະກິດ ໃນພາກພື້ນ ສິງກະໂປ (SRBF) ຄັ້ງທີ 7 ດ້ວຍຫົວຂໍ້ “ເພີ່ມທະວີ ການຮ່ວມມື ໃນພາກພື້ນ ເພື່ອການ ເຕີບໂຕ ແບບຍືນຍົງ”. ຈາກນັ້ນ ທ່ານ ທັນ ລີ ເຊັງ(Tan Lee Seng), ລັດຖະມົນຕີ ກະຊວງ ແຮງງານ, ລັດຖະມົນຕີ ກະຊວງ ອຸດສາຫະກຳ ແລະ ການຄ້າ ປະເທດ ສິງກະໂປ ແລະ ທ່ານ ຫງວຽນຮົ່ງຢ້ຽນ ລັດຖະມົນຕີ ກະຊວງ ອຸດສາຫະກຳ ແລະ ການຄ້າ ຫວຽດນາ ໄດ້ຍົກໃຫ້ເຫັນ ບັນດາ ການເຄື່ອນໄຫວ ແທດຈິງ ເພື່ອແນ ໃສ່ ສະເຫລີມ ສະຫລອງ 50 ປີ ແຫ່ງວັນສ້າງຕັ້ງ ການພົວພັນ ທາງການທູດ ສອງຝ່າຍ (1973 – 2023) ແລະ 10 ປີ ແຫ່ງ ວັນສ້າງຕັ້ງ ການພົວພັນ ຄູ່ຮ່ວມມື ຍຸດທະສາດ (2013–2023) ລະຫວ່າງ ສິງກະໂປ ແລະ ຫວຽດນາມ. ນີ້ແມ່ນປີທີ 7 ເວທີປາໄສ ໄດ້ຈັດຂຶ້ນ ແລະ ເປັນປີທຳອິດ ໄດ້ຈັດຕັ້ງ ຢູ່ນອກ ປະເທດ ສິງກະໂປ, ດ້ວຍເປົ້າໝາຍ ເພີ່ມທະວີ ການຮ່ວມມື ໃນພາກພື້ນ, ຊອກຫາ ກາລະ ໂອກາດ ດຳເນີນທຸລະກິດ ແບບຍືນຍົງ, ເປີດກວ້າງ ການພົວພັນ ດ້ານເສດ ຖະກິດ ແລະ ສ້າງຄວາມສະໜິດ ຕິດພັນ ລະຫວ່າງ ສິງກະໂປ ແລະ ສສ ຫວຽດນາມ./.
(ບັນນາທິການຂ່າວ: ຕ່າງປະເທດ)
ຮຽບຮຽງ ຂ່າວໂດຍ: ສະໄຫວ ລາດປາກດີ
