ການແຂ່ງຂັນແລ່ນຮາຟມາຣາທອນ ສາມຫລ່ຽມຄໍາ ຄັ້ງທີ 3 ປີ 2023 ຈັດຂຶ້ນໃນຕອນເຊົ້າວັນທີ 26 ມິຖຸນາ 2023 ນີ້ ທີ່ເຂດເສດຖະກິດພິເສດສາມຫລ່ຽມຄໍາ, ເມືອງຕົ້ນເຜີ້ງ, ແຂວງບໍ່ແກ້ວ ເພື່ອສະເຫຼີມສະຫຼອງວັນສາກົນຕ້ານຢາເສບຕິດ ຄົບ ຮອບ 36 ປີ (26/6/1987-26/6/2023) ແລະ ວັນສ້າງຕັ້ງເຂດເສດຖະກິດດັ່ງກ່າວ ຄົບຮອບ 16 ປີ ໂດຍມີນັກກິລາຫຼາຍກວ່າ 1.000 ຄົນ ທີ່ມາຈາກບັນດາປະເທດໃນອາຊີ, ເອີຣົບ ແລະ ອາຟຣິກາ ແລະ ເປັນຕົ້ນ: ລາວ, ໄທ, ຈີນ, ມຽນມາ, ເອທິໂອປີ, ເຄນຢ້າ, ຝຣັ່ງ, ອາຟຣິກາໃຕ້ ແລະ ປະເທດອື່ນໆ ເຂົ້າຮ່ວມການແຂ່ງຂັນ, ຊີງເງິນລາງ ວັນລວມມູນຄ່າ 1 ຕື້ 375 ລ້ານກີບ. ຜົນການແຂ່ງຂັນ ມີດັ່ງນີ້:
+ ປະເພດ ຍິງ ທົ່ວໄປ ໄລຍະທາງ 21.1 ກິໂລແມັດ, ອັນດັບ 1-3 ແມ່ນນັກກິລາຈາກ ເອທິໂອປີ (ເອທິໂອເປຍ) ຄື:
ອັນດັບທີ 1: ນີກູເຊ້ ມາໂມ້ ເວລາ 1 ຊົ່ວໂມງ 18 ນາທີ 02.35 ວິນາທີ.
ອັນດັບທີ 2: ດີບາເບ້ ເບເຢເນ້ ເດເບລ້າ ເວລາ 1 ຊົ່ວໂມງ 18 ນາທີ 04.56 ວິນາທີ.
ອັນດັບທີ 3: ຈີນັສເວີກ ເຢນິວ ອຳບີ້ ເວລາ 1 ຊົ່ວໂມງ 18 ນາທີ 07.85 ວິນາ
+ ປະເພດຊາຍທົ່ວໄປ ໄລຍະທາງ 21.1 ກິໂລແມັດ ອັນດັບ 1-3 ແມ່ນນັກກິລາຈາກ ເຄນຢ້າ ຄື:
ອັນດັບທີ 1: ແມັດທິວ ຊຳເປຣູ ເວລາ 1 ຊົ່ວໂມງ 2 ນາທີ 59.30 ວິນາທີ.
ອັນດັບທີ 2: ເບລີຮັນ ເຢີກ້າ ເຊເລຊີ້ ເວລາ 1 ຊົ່ວໂມງ 4 ນາທີ 04.74 ວິນາທີ.
ອັນດັບທີ 3: ຈອນ ມຸຍຣູຣີ້ ເວລາ 1 ຊົ່ວໂມງ 5 ນາທີ 32 ວິນາທີ.
ສໍາລັບລາງວັນການແຂ່ງຂັນຮາຟມາຣາທອນ 21.1 ກິໂລແມັດ ຍິງ-ຊາຍທົ່ວໄປ, ອັນດັບທີ 1 ໄດ້ຮັບໄດ້ຮັບຂັນລາງວັນ, ຫລຽນຄຳ ແລະ ເງິນສົດ 200 ລ້ານກີບ, ທີ 2 ໄດ້ຮັບຂັນລາງວັນ, ຫລຽນເງິນ ແລະ ເງິນສົດ 150 ລ້ານກີບ ແລະ ທີ 3 ໄດ້ຮັບຂັນລາງວັນ, ຫລຽນທອງ ແລະ ເງິນສົດ 100 ລ້ານກີບ.
+ ປະເພດ ຍິງ ອາຍຸ 16 ປີຂຶ້ນໄປ ມິນິມາຣາທອນ ໄລຍະທາງ 10.5 ກິໂລແມັດ.
ອັນດັບທີ 1: ເປຣິສ ເຊັບຕູ ຈາກເຄັນຢ້າ
ອັນດັບທີ 2: ຟາຢ້າ ຮຸສເຊັນ ຈາກເອທິໂອປີ
ອັນດັບທີ 3: ພຣີມກະມົນ ວົງວິໄຊ ຈາກໄທ
+ ປະເພດ ຊາຍ ອາຍຸ 16 ປີຂຶ້ນໄປ ມິນິມາຣາທອນ ໄລຍະທາງ 10.5 ກິໂລແມັດ
ອັນດັບທີ 1: ບີລີກິນ ຢີເມີ້ ຈາກເອທິໂອປີ
ອັນດັບທີ 2: ເນເກເຊ້ ດີມ້າ ຈາກເອທິໂອປີ
ອັນດັບທີ 3: ວິກຕໍ ຄິບເຄເມ ເຊັບວູນີ້ ຈາກເຄັນຢ້າ
ສໍາລັບລາງວັນການແຂ່ງຂັນແລ່ນມິນິມາຣາທອນ ໄລຍະທາງ 10.5 ກິໂລແມັດ, ອັນດັບທີ 1 ໄດ້ຮັບຂັນລາງວັນ, ຫລຽນຄໍາ ແລະ ເງິນສົດ 20 ລ້ານກີບ, ທີ 2 ໄດ້ຮັບຂັນລາງວັນ, ຫລຽນເງິນ ແລະ ເງິນສົດ 17 ລ້ານ 5 ແສນກີບ, ທີ 3 ໄດ້ຮັບຂັນລາງວັນ, ຫລຽນທອງ ແລະ ເງິນສົດ 15 ລ້ານກີບ.
+ ປະເພດ ຍິງ ອາຍຸບໍ່ເກີນ 16 ປີ ສົ່ງເສີມເຍົາວະຊົນ-ໄວໜຸ່ມ ໄລຍະທາງ 10.5 ກິໂລແມັດ
ອັນດັບທີ 1: ສະລັນຍາ ບົວພະໄລ ຈາກໄທ
ອັນດັບທີ 2: ບູຣັດສະກອນ ພາວຸງ ຈາກໄທ
ອັນດັບທີ 3: ນັກກິລາຈາກໄທ
+ ປະເພດຊາຍ ອາຍຸບໍ່ເກີນ 16 ປີ ໄລຍະທາງ 10.5 ກິໂລແມັດ
ອັນດັບທີ 1: ທະນາກອນ ວັນນະສົມພອນ ຈາກໄທ
ອັນດັບທີ 2: ອານຸຊິດ ໂຣດກິດຈະເລີນຈາກໄທ
ອັນດັບທີ 3: ທັນຍະນົບ ປັນດິ ຈາກໄທ
ສໍາລັບລາງວັນການແຂ່ງຂັນປະເພດຍິງ-ຊາຍ ເຍົາວະຊົນ-ໄວໜຸ່ມ ໄລຍະທາງ 10.5 ກິໂລແມັດ ອາຍຸບໍ່ເກີນ 16 ປີ. ອັນດັບທີ 1 ໄດ້ຂັນລາງວັນ, ຫຼຽນຄໍາ ແລະ ເງິນສົດ 12 ລ້ານ 5 ແສນກີບ, ທີ 2 ໄດ້ຮັບຂັນລາງວັນ, ຫລຽນເງິນ, ແລະ ເງິນລາງວັນ 10 ລ້ານກີບ, ທີ 3 ໄດ້ຮັບຂັນລາງວັນ, ຫລຽນທອງ, ແລະ ເງິນສົດ 7 ລ້ານ 5 ແສນກີບ.
