ອາເຊນອລ ໃກ້ຕົກລົງຄ່າຕົວຂອງ ເດແຄລນ ໄຣ ກອງກາງທີມຊາດອັງກິດຂອງ ເວສແຮມ ຢູໄນເຕັດ ໄດ້ເຕັມທີ່ແລ້ວ.
“ ເດິະ ກາຣດຽນ “ ສື່ດັງຂອງອັງກິດ ລາຍງານຂ່າວວ່າ ອາເຊນອລ ຫຍັບເຂົ້າໃກ້ການບັນລຸຂໍ້ຕົກລົງຄວ້າຕົວ ເດແຄລນ ໄຣ ເຕັມທີ່ແລ້ວ ຄາດກັນວ່າຕົວເລກທີ່ຈະເຮັດໃຫ້ ເວສແຮມ ຢູໄນເຕັດ ຍອມໃຈອ່ອນ ອາດສູງເຖິງ 100 ລ້ານປອນ ເມື່ອລວມສ່ວນເສີມບາງຢ່າງແລ້ວ.
ລາຍງານຂ່າວລະບຸວ່າ ຍັງບໍ່ທັນມີຂໍ້ສະເໜີຢ່າງເປັນທາງການມາຈາກ ອາເຊນອລ ແຕ່ການເຈລະຈາກັບ ເວສແຮມ ຍັງດຳເນີນໄປຢ່າງຕໍ່ເນື່ອງ ແລະ ເບິ່ງຄືວ່າຈະລຽບງ່າຍດ້ວຍ ໂດຍທີ່ ອາເຊນອລ ໝັ້ນໃຈວ່າຂໍ້ຕົກລົງຈະສໍາເລັດໃນໄວໆນີ້.
ທາງດ້ານ Florian Plettenberg ນັກຂ່າວທີ່ມີຊື່ສຽງຂອງ Sky Sport ເຢຍລະມັນ ລາຍງານວ່າ ບາເຢິນ ມິວນິກ ທີ່ສະແດງຄວາມສົນໃຈໃນ ເດແຄລນ ໄຣ ເຊັ່ນກັນ ຮັບຊາບຂໍ້ສະເໜີໃໝ່ຂອງ ອາເຊນອລ ແລ້ວ ແລະ ຜູ້ບໍລິຫານຂອງ ບາເຢິນ ມິວນິກ ຈະປຶກສາຫາລືພາຍໃນອີກເທື່ອໜຶ່ງໃນວັນອັງຄານທີ່ຈະເຖິງນີ້ ຄາດວ່າຈະພັບໂຄງການຫຼາຍກວ່າຕໍ່ສູ້ກັບ ອາເຊນອລ.
ສໍາລັບ ເດແຄລນ ໄຣ ເຫຼືອສັນຍາກັບ ເວສແຮມ ອີກໜຶ່ງປີສຸດທ້າຍ. ດັ່ງນັ້ນ, ອາດກາຍເປັນນັກເຕະທີ່ເຫຼືອສັນຍາປີສຸດທ້າຍທີ່ຈະຍ້າຍທີມທີ່ແພງທີ່ສຸດໃນໂລກ ຫາກ ອາເຊນອລ ຍອມທຸ່ມເທຂໍ້ສະເໜີເງິນຈໍານວນດັ່ງກ່າວອີຫຼີ.
ນອກຈາກນີ້ ອາເຊນອລ ຍັງກຽມພະຍາຍາມຍື່ນຂໍ້ສະເໜີຂໍຊື້ ມອຍເຊສ ໄກເຊໂດ ກອງກາງທີມຊາດເອກວາດໍຂອງ ໄບຣຕັນ ແອນ ໂຮຟ ອັລບຽນ ອີກຄັ້ງ ລວມເຖິງຄວາມພະຍາຍາມໃນການເຊັນສັນຍາແບບບໍ່ມີຄ່າຕົວກັບ ອິລຄາຍ ກູນໂດກັນ ກອງກາງທີມຊາດເຢຍລະມັນ ທີ່ກໍາລັງຈະໝົດສັນຍາກັບ ແມນເຊັສເຕີ ຊິຕີ ໃນທ້າຍເດືອນມິຖຸນານີ້ດ້ວຍ.
