ຂ່າວສານຊີອາໄອລາຍງານ ເມື່ອທ້າຍອາທິດຜ່ານມາ, ລັດຖະບານຈີນໄດ້ເປີດເຜີຍບົດລາຍງານ ໂດຍລະບຸວ່າ: ໃນເດືອນພຶດສະພາ 2023, ດັດສະນີລາຄາຜູ້ບໍລິໂພກ (CPI) ຂອງປະຊາຊົນຈີນໄດ້ເພີ່ມຂຶ້ນ 0,2% ເມື່ອທຽບໃສ່ໄລຍະດຽວກັນຂອງປີ 2022. ໃນນັ້ນ, ຢູ່ຕົວເມືອງເພີ່ມຂຶ້ນ 0,2%, ຢູ່ຊົນນະບົດເພີ່ມຂຶ້ນ 0,1%; ດັດສະນີລາຄາຜູ້ບໍລິໂພກດ້ານອາຫານເພີ່ມຂຶ້ນ 1,0%, ດ້ານເຄື່ອງອຸປະໂພກໄດ້ຮັກສາລະດັບເກົ່າ; ດັດສະນີລາຄາເຄື່ອງບໍລິໂພກຫຼຸດລົງ 0,3%, ດັດສະນີລາຄາການບໍລິການເພີ່ມຂຶ້ນ 0,9%. ໃນລະຫວ່າງເດືອນມັງກອນ-ພຶດສະພາ 2023 CPI ຂອງປະຊາຊົນທົ່ວປະເທດໄດ້ເພີ່ມຂຶ້ນ 0,8% ເມື່ອທຽບໃສ່ໄລຍະດຽວກັນຂອງປີ 2022.
ໃນເດືອນພຶດສະພາ 2023 CPI ຂອງປະຊາຊົນທົ່ວປະເທດຈີນໄດ້ຫຼຸດລົງ 0,2% ເມື່ອທຽບໃສ່ເດືອນເມສາປີນີ້. ໃນນັ້ນ, ຢູ່ຕົວເມືອງໄດ້ຫຼຸດລົງ 0,2%, ຢູ່ຊົນນະບົດຫຼຸດລົງ 0,2%; ດັດສະນີລາຄາອາຫານຫຼຸດລົງ 0,7%, ດັດສະນີລາຄາເຄື່ອງອຸປະໂພກຫຼຸດລົງ 0,1%; ດັດສະນີລາຄາເຄື່ອງບໍລິໂພກຫຼຸດລົງ 0,2% ແລະ ດັດສະນີລາຄາການບໍລິການຫຼຸດລົງ 0,1%.
