ຄະນະໂຄສະນາອົບຮົມແຂວງຫົວພັນເຂົ້າຮ່ວມພິທີຮັບຮອງ ແຂວງຫົວພັນ ເປັນຊາວໜຸ່ມແຂວງ 4 ບຸກ ຄັ້ງທີ 2 ປະຈໍາປີ 2022 ແລະ ມອບຫຼຽນກາລະນຶກ 65 ປີ ວັນສ້າງຕັ້ງຊາວໜຸ່ມ ປະຊາຊົນປະຕິວັດລາວ ໄດ້ຈັດຂຶ້ນເມື່ອບໍ່ດົນຜ່ານມາ ທີ່ຫໍວັດທະນະທໍາແຂວງ ໂດຍ ມີສະຫາຍ ມອນໄຊ ລາວມົວຊົ່ງ ກຳມະການສໍາຮອງສູນກາງພັກ ເລຂາ ຄະນະບໍລິຫານງານສູນກາງຊາວໜຸ່ມປະຊາຊົນ ປະຕິວັດລາວ ສະຫາຍ ນາງ ອໍາໄພວອນ ລ້ອມບຸນແພງ ກໍາມະການສໍາຮອງສູນກາງພັກ ຮອງເລຂາພັກແຂວງ ປະທານສະພາປະຊາຊົນແຂວງຫົວພັນ ແລະ ສະຫາຍ ວົງເພັດ ບຸນມະນີ ກຳມະການພັກແຂວງ ເລຂາຄະນະບໍລິຫານງານຊາວໜຸ່ມປະຊາຊົນ ປະຕິວັດລາວ ແຂວງຫົວພັນ ພ້ອມດ້ວຍການນໍາພັກລັດ ຜູ້ຕ່າງໜ້າຈາກອົງການຈັດຕັ້ງມະຫາຊົນຂັ້ນແຂວງ ຕະຫຼອດຮອດສະມາຊິກຊາວໜຸ່ມນັກຮຽນ-ເຍົາວະຊົນ ເຂົ້າຮ່ວມ.
