ວິທະຍຸກະຈາຍສຽງຫວຽດນາມ ລາຍງານ, ການຜັນຂະຫຍາຍບົດບັນທຶກການຮ່ວມມືໃນຂົງເຂດການທ່ອງທ່ຽວ ໃນຊຸມປີຜ່ານມາ ໄດ້ຈັດຕັ້ງປະຕິບັດຢ່າງຖືກຕ້ອງຕາມເນື້ອໃນຈິດໃຈທີ່ໄດ້ຕົກລົງກັນໄວ້, ສອງຝ່າຍໄດ້ສ້າງຫຼາຍຜະລິດຕະພັນທ່ອງທ່ຽວໃໝ່; ດຳເນີນຫຼາຍກິດຈະກຳພົບປະແລກປ່ຽນ ແລະ ຮ່ວມມືກັນ.
ໃນວັນທີ 6 ພຶດສະພາ ຜ່ານມາ ຢູ່ນະຄອນຫຼວງ ພະນົມເປັນ ປະເທດກຳປູເຈຍ, ໃນເວລາຕ້ອນຮັບທ່ານ ຫງວຽນວັນຮຸ່ງ ລັດຖະມົນຕີກະຊວງວັດທະນະທຳ – ກິລາ ແລະ ທ່ອງທ່ຽວ ຫວຽດນາມ, ທ່ານ ທອງຄູນ ລັດຖະມົນຕີກະຊວງທ່ອງທ່ຽວ – ປະທານຄະນະກຳມະການ ໂອແລັມປິກ ກຳປູເຈຍ ໄດ້ເນັ້ນໜັກວ່າ: ກຳປູເຈຍຕີລາຄາສູງຕໍ່ການນຳພາຂອງພັກກອມມູນິດ ຫວຽດນາມ ແລະ ຍາມໃດກໍຖື ຫວຽດນາມ ເປັນເພື່ອນ, ເປັນອ້າຍນ້ອງກັນ ດ້ວຍຄວາມເຄົາລົບ ແລະ ໄວ້ເນື້ອເຊື່ອໃຈກັນ.
ສ່ວນທ່ານ ຫງວຽນວັນຮຸ່ງ ໄດ້ຕີລາຄາວ່າ: ການຜັນຂະຫຍາຍບົດບັນທຶກການຮ່ວມມືໃນຂົງເຂດການທ່ອງທ່ຽວ ໃນຊຸມປີຜ່ານມາ ໄດ້ຈັດຕັ້ງປະຕິບັດຢ່າງຖືກຕ້ອງຕາມເນື້ອໃນຈິດໃຈທີ່ໄດ້ຕົກລົງກັນໄວ້, ສອງຝ່າຍໄດ້ສ້າງຫຼາຍຜະລິດຕະພັນທ່ອງທ່ຽວໃໝ່; ດຳເນີນຫຼາຍກິດຈະກຳພົບປະແລກປ່ຽນ ແລະ ການຮ່ວມມືກັນ.
ພາຍຫຼັງພົບປະກັນ, ລັດຖະມົນຕີທັງສອງທ່ານໄດ້ລົງນາມໃນບົດບັນທຶກຄວາມເຂົ້າໃຈ ລະຫວ່າງກະຊວງວັດທະນະທຳ – ກິລາ ແລະ ທ່ອງທ່ຽວ ຫວຽດນາມ ກັບ ກະຊວງທ່ອງທ່ຽວ ກຳປູເຈຍ ກ່ຽວກັບການເພີ່ມທະວີການຮ່ວມມືໃນຂົງເຂດທ່ອງທ່ຽວ. ສອງຝ່າຍເຫັນດີຈະປັບປຸງ ແລະ ພັດທະນາການທ່ອງທ່ຽວ ເພື່ອຜົນປະໂຫຍດລວມຂອງສອງຝ່າຍ.
