ນ້ຳຕົກຕາດແຝກ ຕັ້ງຢູ່ບໍລິເວນເຂດບ້ານດ່ານ ເມືອງລະມາມ ຊຶ່ງເປັນເມືອງເອກຂອງແຂວງເຊກອງ, ຢູ່ຫ່າງຈາກເທດສະບານແຂວງ ປະມານ 18 ກິໂລແມັດ ແລະ ຫ່າງຈາກເສັ້ນທາງເລກທີ 16 ປະມານ 2 ກິໂລແມັດ ແຕ່ກ່ອນຢູ່ບໍລິເວນເທິງຫົວຕາດ ແລະ ກ້ອງຕາດດັ່ງກ່າວມີດອນປົກຄອມຢູ່ທີ່ເຕັມໄປດ້ວຍຫຍ້າແຝກ ອັນເປັນທີ່ມາຂອງຊື່ຕາດແຝກ, ແຕ່ພໍມາຮອດປີ 1968 ເກີດມີນ້ຳຖ້ວມຄັ້ງໃຫຍ່ຢູ່ເຂດນີ້ ຈຶ່ງເຮັດໃຫ້ຫຍ້າແຝກດັ່ງກ່າວດັບສູນໄປ. ນ້ຳຕົກຕາດແຝກ ສູງປະມານ 10-15 ແມັດ ແລະ ກວ້າງ 250 ແມັດ, ມີຄວາມງົດງາມ ແລະ ອຸດົມສົມບູນໄປດ້ວຍປ່າໄມ້ຂຽວອຸ່ມທຸ່ມ, ມີອາກາດປອດໂປ່ງແຈ່ມໃສ ແລະ ມີນ້ຳໄຫຼຜ່ານຕະຫຼອດລະດູການ ນ້ຳຕົກຕາດແຝກ ຖືກຄົ້ນພົບໃນປີ 1999 ແລະ ເລີ່ມເປີດໃຫ້ເຂົ້າທ່ຽວຊົມແຕ່ປີ 2008 ເປັນຕົ້ນມາ.
ຂໍ້ມູນຈາກ: ກົມໂຄສະນາການທ່ອງທ່ຽວກະຊວງ ຖວທ
