ຕາມຂ່າວຈາກໂອກແລນ (AUCKLAND), ວັນທີ 16 ກຸມພານີ້ ນູແວນເຊລັງ ພວມຮັບການຊ່ວຍເຫລືອຈາກສາກົນ ໃນເບື້ອງຕົ້ນ ຫລັງຈາກຜະເຊີນກັບພາຍຸໄຊໂຄລນແກບຣຽນ (Gabrielle) ສ້າງຄວາມເສຍຫາຍຢ່າງໜັກໃຫ້ແກ່ເກາະເໜືອ ເຮັດໃຫ້ມີ ຜູ້ເສຍຊີວິດ 5 ຄົນ, ສູນຫາຍ 100 ຄົນ ແລະ ບໍ່ມີທີ່ຢູ່ອາໄສອີກ 10.500 ຄົນ.
ປັດຈຸບັນກອງທັບອາກາດນູແວນເຊລັງ ໄດ້ສົ່ງເຮືອບິນເຮີຣີກົບແຕ້ລຳລຽນອາຫານ, ນ້ຳ ແລະ ເຊື້ອເພີງໃຫ້ແກ່ເມືອງທີ່ຖືກ ຕັດຂາດ. ຂະນະທີ່ ທ່ານ ຄຣີສ ຮິບ ກິນສ (Chris Hipkins), ນາຍົກ ລັດຖະມົນຕີ ນູແວນເຊລັງ ເລັ່ງຟື້ນຟູສາທາລະນູປະໂພກ ໃຫ້ນຳໃຊ້ໄດ້ປົກກະຕິໂດຍໄວທີ່ສຸດ ໂດຍເລັ່ງສ້ອງແປງໄຟຟ້າ ແລະ ນ້ຳປະປາ ລວມທັງເຮືອນປະຊາຊົນ ທີ່ໄດ້ຮັບ ຄວາມເສຍຫາຍຫລາຍຫລັງ ໂດຍມີການຄິດໄລ່ຄວາມເສຍຫາຍ ປະມານ 5.000-10.000 ລ້ານໂດລາ ນູແວນເຊລັງ.
(ບັນນາທິການຂ່າວ: ຕ່າງປະເທດ)
