ໃນວາລະດຳເນີນ ກອງປະຊຸມສະຫລຸບຕີລາຄາວຽກງານປ້ອງກັນຊາດ ປະຈໍາປີ 2022 ເເລະ ວາງທິດທາງເເຜນການ ປະຈຳປີ 2023 ໃນວັນທີ 3 ກຸມພາ 2023 ນີ້, ສະຫາຍ ພົນເອກ ຈັນສະໝອນ ຈັນຍາລາດ ກໍາມະການກົມການເມືອງສູນກາງພັກ, ຮອງນາຍົກລັດຖະມົນຕີ, ລັດຖະມົນຕີກະຊວງປ້ອງກັນປະເທດ ໄດ້ມີຄຳ ເຫັນໂອ້ລົມ ໂດຍເນັ້ນໃຫ້ຄະນະພັກ-ຄະນະນໍາ, ນາຍ ເເລະ ພົນທະຫານ ອ້ອມຂ້າງກະຊວງປ້ອງກັນປະເທດ ສືບຕໍ່ ເອົາໃຈໃສ່ຫລາຍບັນຫາສຳຄັນ ເພື່ອເຮັດໃຫ້ການຈັດຕັ້ງປະຕິບັດວຽກງານຈຸດສຸມໃນປີ 2023 ໃຫ້ເເທດເໝາະກັບສະ ພາບເງື່ອນໄຂຕົວຈິງຂອງກອງທັບ ໃນປັດຈຸບັນ, ເຮັດໃຫ້ທຸກຂົງເຂດວຽກງານມີການຫັນປ່ຽນທີ່ກ້າວໜ້າ ແລະ ໂດດເດັ່ນກວ່າເກົ່າ ໂດຍສະເພາະແມ່ນສຸມໃສ່ການຈັດຕັ້ງປະຕິບັດວຽກງານຈຸດສຸມໃນປີ 2023 ສຳເລັດຕາມແຜນ.
ສະຫາຍ ພົນເອກ ຈັນສະໝອນ ຈັນຍາລາດ ຍັງໄດ້ເນັ້ນອີກວ່າ: ເພື່ອເຮັດໃຫ້ການຈັດຕັ້ງປະຕິບັດວຽກງານ ຈຸດສຸມໃນປີ 2023 ສຳເລັດຕາມເປົ້າໝາຍທີ່ວາງໄວ້ ຄະນະພັກ-ຄະນະນໍາ ແຕ່ລະຂັ້ນ ອ້ອມຂ້າງກະຊວງປ້ອງກັນ ປະເທດ ຕ້ອງໄດ້ສືບຕໍ່ສຸມໃສ່ແກ້ໄຂບັນຫາການສະກັດກັ້ນ ແລະ ຕ້ານທຸກກົນອຸບາຍເລລ່ຽມຂອງສັດຕູ, ທັບມ້າງ ຍຸດທະສາດຫັນປ່ຽນໂດຍສັນຕິຂອງອິດທິກຳລັງປໍລະປັກ, ເປັນເຈົ້າການໃນການປະຕິບັດແນວທາງ ປກຊ-ປກສ ທົ່ວປວງຊົນຮອບດ້ານຂອງພັກ, ປົກປັກສັກສາລະບອບໃໝ່ປະຊາທິປະໄຕປະຊາຊົນໄວ້ໃຫ້ໝັ້ນຄົງ, ຮັບປະກັນໃຫ້ ປະເທດຊາດມີສະຖຽນລະພາບທາງດ້ານການເມືອງ, ມີຄວາມສະຫງົບປອດໄພຢ່າງໜັກແໜ້ນ, ດ້ວຍມາດຕະການ ຍຸດທະສາດສືບຕໍ່ຈັດຕັ້ງກຳລັງລົງກໍ່ສ້າງຮາກຖານການເມືອງ, ສ້າງທ່າສະໜາມ 3 ຂັ້ນຕິດພັນກັບວຽກງານ 3 ສ້າງ ໂດຍສຸມໃສ່ບໍລິເວນຊາຍແດນ, ເຂດຫ່າງໄກສອກຫລີກ, ບັນດາຈຸດສຸມຂອງກະຊວງ, ສົມທົບແໜ້ນ 3 ດ້ານໄປພ້ອມໆ ກັນ (ດ້ານການເມືອງ, ເສດຖະກິດ ແລະ ການທະຫານ) ກັບການປັບປຸງລະບົບການຈັດຕັ້ງຢູ່ຮາກຖານໃຫ້ໜັກແໜ້ນເຂັ້ມແຂງໃນທຸກດ້ານ, ພ້ອມກັນຍົກສູງສະຕິລະວັງຕົວ, ກຽມພ້ອມສູ້ຮົບ, ເດັດດ່ຽວຕອບຕ້ານທຸກການ ເຄື່ອນໄຫວຂອງສັດຕູຢ່າງທັນການ, ສຸມໃສ່ແກ້ໄຂເຂດທີ່ຍັງບໍ່ມີຄວາມສະຫງົບ, ໜໍ່ແໜງທີ່ຈະພາໃຫ້ເກີດຄວາມບໍ່ ສະຫງົບ ແລະ ມີມາດຕະການແກ້ໄຂຄ່ອງແຄ້ວ, ປະຕິບັດມາດຕະການຍຸດທະສາດຫັນລົງຮາກຖານຕາມ 4 ເນື້ອໃນ ແລະ 4 ຄາດໝາຍ, ເກັບກຳສະພາບປະຊາຊົນ, ຈັດຕັ້ງກໍາລັງປະຈໍາຢູ່ແຕ່ລະບ້ານ, ປັບປຸງອົງການປົກຄອງຂັ້ນຮາກຖານໃຫ້ໜັກແໜ້ນເຂັ້ມແຂງ, ຕັ້ງໜ້າສຶກສາອົບຮົມການເມືອງ-ແນວຄິດ, ອົບຮົມທາດແທ້ມູນເຊື້ອກອງທັບປະຕິວັດ, ກອງທັບປະຊາຊົນໃນເງື່ອນໄຂໃໝ່ໃຫ້ດີ ຕິດພັນກັບການເກັບກໍາສະພາບການເມືອງ-ແນວຄິດຂອງພະນັກງານ-ນັກຮົບທົ່ວກອງທັບ, ການສຶກສາອົບຮົມການເມືອງແນວຄິດຕ້ອງແຫລມຄົມ, ເຮັດດ້ວຍຫລາຍຮູບຫລາຍສີ, ຫລາຍ ວິທີການ ແລະ ມີເນື້ອໃນອຸດົມສົມບູນ ເພື່ອສ້າງຄວາມຮັບຮູ້ເຂົ້າໃຈຕໍ່ແນວທາງນະໂຍບາຍ, ລະບຽບກົດໝາຍຂອງພັກ-ລັດຢ່າງເລິກເຊິ່ງ, ແທດເຖິງ ແລະ ສ້າງໃຫ້ມີການປ່ຽນແປງຢ່າງແທ້ຈິງ, ພ້ອມນັ້ນກໍຊຸກຍູ້ຂະບວນການຕ່າງໆ ເພື່ອຂ່ຳນັບຮັບຕ້ອນວັນບຸນສໍາຄັນຕ່າງໆຂອງຊາດ ໃຫ້ມີຂະບວນການກວ້າງຂວາງ ແລະ ມີບັນຍາກາດຟົດຟື້ນຕໍ່ ເນື່ອງ, ຕັ້ງໜ້າປັບປຸງກໍ່ສ້າງກອງທັບໃຫ້ເຂັ້ມແຂງຮອບດ້ານ, ເພີ່ມທະວີການນໍາພາຂອງພັກຕໍ່ກໍາລັງກອບອາວຸດ ຕິດ ພັນກັບການສ້າງໜ່ວຍພັກປອດໄສ, ເຂັ້ມແຂງ, ໜັກແໜ້ນ, ສ້າງກົມກອງ, ກົມກອງນັກຮົບວັດທະນະທໍາ ໃຫ້ມີຄຸນ ນະພາບ ເເລະ ສ້າງພະນັກງານສືບທອດປ່ຽນແທນ ໃຫ້ຄົບເງື່ອນໄຂມາດຖານ.
ພ້ອມນັ້ນ, ກໍໃຫ້ເອົາໃຈໃສ່ຄົ້ນຄວ້າໂຄງການ-ຫລັກສູດການຮຽນ-ການສອນ ໃຫ້ແກ່ໂຄງການກໍ່ສ້າງ-ບໍາລຸງ ຢູ່ບັນດາສະຖາບັນການສຶກສາ, ວຽກງານອົບຮົມຫັດແອບ, ປັບປຸງລະບຽບແບບແຜນຂອງກອງທັບ ໃຫ້ມີຄຸນນະ ພາບຕິດແທດກັບໜ້າທີ່ການເມືອງຂອງກອງທັບໃນໄລຍະໃໝ່, ຄຽງຄູ່ກັນນັ້ນກໍໃຫ້ເອົາໃຈໃສ່ສ້າງພະລາທິການກັບທີ່ ເປັນຕົ້ນ ຮັບປະກັນໃຫ້ໄດ້ດ້ານສະບຽງອາຫານ, ການຈັດຕັ້ງລ້ຽງດູທັບ, ຮັບປະກັນເງິນເດືອນ-ເງິນກິນ, ດ້ານເຄື່ອງ ນຸ່ງຫົ່ມ, ນ້ຳມັນເຊື້ອໄຟ, ຢາປົວພະຍາດ, ການຈັດຊື້-ຈັດຫາ, ວຽກງານຂົນສົ່ງ, ຍູ້ແຮງການຜະລິດ ແລະ ຂະຫຍາຍ ເຂດຜະລິດກະສິກໍາຂັ້ນກະຊວງ ແລະ ຂອງບັນດາກົມກອງ ເພື່ອຍົກລະດັບຊີວິດການເປັນຢູ່ຂອງກອງທະຫານ ໃຫ້ ດີຂຶ້ນ, ທັງຜະລິດເປັນສິນຄ້າ ເພື່ອສ້າງລາຍຮັບໃຫ້ກະຊວງ ແລະ ກົມກອງ.
ຂ່າວ: ທະນູທອງ
ພາບ: ອຸ້ມ
