ວັນທີ 1 ກຸມພາ 2023, ສູນຈໍາໜ່າຍເຄື່ອງກົນຈັກກະສິກໍາ ZOOMLION ແຫ່ງທໍາອິດໃນລາວ ໄດ້ເບີດຢ່າງເປັນທາງການ. ໂດຍມີທ່ານ ສົມມາດ ພົນເສນາ ຮອງປະທານສະພາແຫ່ງຊາດ, ຜູ້ຕ້າງໜ້າຫ້ອງການກະຊວງກະສິກໍາ ແລະ ປ່າໄມ້, ກະຊວງອຸດສາຫະກໍາ ແລະ ການຄ້າ, ພ້ອມດ້ວຍຜູ້ຕາງໜ້າທູດເສດຖະກິດ ແລະ ການຄ້າ ແຫ່ງ ສປ ຈີນ ປະຈໍາ ສປປ ລາວ, ບໍລິສັດ ທາງລົດໄຟລາວ ຈີນ ແລະ ພາກສ່ວນກ່ຽວຂ້ອງເຂົ້າຮ່ວມປະມານ 100 ຄົນ. ໃນພິທີ, ທ່ານ XU GUOWU ປະທານບໍລິສັດ ພັດທະນາກະສິກໍາ ຊິວະນາໆພັນ ຊວນເຢ ຫູໜານ ຈໍາກັດ ທີ່ເປັນຄູ່ຮ່ວມມືຂອງບໍລິສັດ ZOOMLION ກ່າວວ່າ, ການເບີດສູນຈໍາໜ່າຍເຄື່ອງກົນຈັກກະສິກໍາ ZOOMLION ແຫ່ງທໍາອິດໃນ ສປປ ລາວ ສະແດງເຖິງບາດກ້າວສໍາຄັນໃນຕະຫຼາດສາກົນຂອງການຮ່ວມມືລະຫວ່າງບໍລິສັດຊວນເຢ ແລະ ບໍລິສັດ ZOOMLION, ທັງເປັນການພັດທະນາຕະຫຼາດລາວຂອງຊວນເຢໄດ້ກາຍເປັນຕົວຈິງ ພາຍຫຼັງໄດ້ສໍາເລັດຕ່ອງໂສ້ອຸດສາຫະກໍາການຄົ້ນຄວ້າແນວພັນ, ການປູກຝັງ, ປຸງແຕ່ງ, ເກັບມ້ຽນ, ການຂົນສົ່ງ ແລະ ການຄ້າຂາຍ.
ທ່ານ XU GUOWU ກ່າວວ່າ: ຈີນ ແລະ ລາວ ເຊື່ອມຕໍ່ກັນດ້ວຍພູເຂົາແມ່ນ້ຳ, ມີມະນຸດສະທຳທີ່ຄ້າຍຄືກັນ ແລະ ມີເສັ້ນທາງພັດທະນາທີ່ຄ້າຍຄືກັນ. ສອງຝ່າຍມີຄວາມເຫັນດີເຫັນພ້ອມກັນສູງໃນແນວຄິດພັດທະນາການພັດທະນາກະສິກຳສີຂຽວຢ່າງບໍ່ຢຸດຢັ້ງເພື່ອຜົນປະໂຫຍດຂອງປະຊາຊົນ, ແລະ ມີຄວາມສາມາດບົ່ມຊ້ອນອັນໃຫຍ່ຫຼວງໃນການສະໜອງ ແລະ ຄວາມຕ້ອງການຂອງຕະຫຼາດກະສິກຳສີຂຽວ.
ການເປີດສູນຈໍາໜ່າຍເຄື່ອງກົນຈັກກະສິກໍາ ZOOMLION ແຫ່ງທໍາອິດໃນລາວ, ຈະຄ່ອຍໆສ້າງລະບົບບໍລິການຮອບດ້ານໂດຍມີການຈໍາໜ່າຍກົນຈັກກະສິກໍາ, ການສະໜອງເຄື່ອງອາໄລ່, ບໍລິການຫຼັງການຂາຍ, ບໍລິການທຶນ ແລະ ການໃຫ້ເຊົ່າ, ເພື່ອຊ່ວຍເອົາຍິ່ຫໍ້ກະສິກໍາທີ່ທັນສະໄໝ ແລະ ຜະລິດຕະພັນຈີນ ເຂົ້າສູ່ຕະຫຼາດລາວ.
ທ່ານ ZHANG CHI ຜູ້ອໍານວຍການຂອງບໍລິສັດ ກົນຈັກກະສິກໍາ ZOOMLION ກ່າວວ່າ: ບໍລິສັດກົນຈັກກະສິກໍາZOOMLION ສ້າງຂຶ້ນໃນປີ 2011, ແມ່ນຫົວໜ່ວຍທຸລະກິດທີ່ໃຫ້ການພັດທະນາສໍາຄັນຂອງກຸ່ມບໍລິສັດ ZOOMLION, ປັດຈຸບັນໄດ້ກາຍເປັນທຸລະກິດແຖວຫົວໃນຂະແໜງກົນຈັກກະສິກໍາຂອງຈີນ, ໄດ້ສ້າງສອງພາກສ່ວນທຸລະກິດຫຼັກຂອງເຄື່ອງຈັກກະສິກໍາອັດສະລິຍະAI ແລະກະສິກໍາອັດສະລິຍະ. ຫຼັງຈາກສິບປີຂອງການສະສົມແລະການພັດທະນາ, ເຄື່ອງຈັກກະສິກໍາZoomlionໄດ້ຫັນປ່ຽນ ແລະຍົກລະດັບຈາກການຜະລິດເຄື່ອງຈັກກະສິກໍາແບບດັ້ງເດີມໄປສູ່ຜູ້ໃຫ້ບໍລິການດ້ານການຜະລິດກະສິກໍາທີ່ມີພື້ນຖານAI, ສະຫນອງກົນຈັກກະສິກໍາທີ່ທັນສະໄໝ ແລະ ແຜນການແກ້ໄຂກະສິກໍາອັດສະລິຍະ ໃຫ້ແກ່ຄູ່ຮ່ວມງານທົ່ວໂລກ, ປະກອບສ່ວນຈາກກໍາລັງ ແລະ ອັດສະລິຍະ ແຫ່ງ ສປ ຈີນ ໃຫ້ແກ່ທົ່ວໂລກ ໂດຍສະເພາະແມ່ນຂະແໜງກະສິກໍາ, ຟາມ ແລະ ຊາວະສິກອນ ຂອງປະເທດພັດທະນາ.ໂດຍເຄື່ອງຈັກກະສິກຳ Zoomlion ໄດ້ສະໜອງຜະລິດຕະພັນກົນຈັກກະສິກໍາໃຫ້ຊາວກະສິກອນທ້ອງຖິ່ນຄື: ເຂົ້າ, ສາລີ, ອ້ອຍ ແລະພືດອື່ນໆໃນຂະບວນການຜະລິດທັງໝົດ, ຊ່ວຍຍົກສູງຄຸນນະພາບຜະລິດຕະພັນກະສິກຳເພື່ອສະໜອງການບໍລິການທີ່ຖືກຕ້ອງ ແລະສົມບູນຍິ່ງຂຶ້ນໃຫ້ໄດ້ພັດທະນາກະສິກຳທັນສະໄໝໃນລາວ.
ພາຍໃຕ້ສະພາບການພັດທະນາຂອງຂໍ້ລິເລີ່ມ “ໜຶ່ງແລວ ໜຶ່ງແສ້ນທາງ”, ການຮ່ວມມືລະຫວ່າງບໍລິສັດ ຊວນເຢ ແລະ ບໍລິສັດ ZOOMLION ໃນຄັ້ງນີ້ ຈະຊ່ວຍຊຸກຍູ້ການພັດທະນາຂະແໜງກົນຈັກກະສິກໍາຂອງລາວ, ຍົກສູງຄວມສາມາດໃນການແຂ່ງຂັນ. ຈະແໜ້ນໜາການຮ່ວມມືຂອງສອງປະເທດລາວ ແລະ ຈີນ ກ່ວາເກົ່າ. ສູນຈໍາໜ່າຍເຄື່ຶອງກົນຈັກກະສິກໍາຊຸມໄລອອນ ZOOMLION ຕັ້ງຢູ່ທາງເລກ13ໃຕ້ ເຂດບ້ານໂຄກສີວິໄລ ເມືອງໄຊທານີ ນະຄອນຫລວງວຽງຈັນ.
