ທ່ານ ຄຳມອນ ບົວພັນ ປະທານອົງການກວດສອບປະຈຳພາກກາງ ໄດ້ລາຍງານຕໍ່ກອງປະຊຸມສະໄໝສາມັນເທື່ອທີ IV ຂອງສະພາປະຊາຊົນແຂວງສະຫວັນນະເຂດຊຸດທີ IIໃຫ້ຮູ້ວ່າ: ໃນປີ 2023 ອົງການກວດສອບປະຈຳພາກກາງ ໄດ້ຂຶ້ນແຜນກວດສອບຈຳນວນ 14 ເປົ້າໝາຍ, ໃນນັ້ນກວດສອບບົດສະຫຼຸບຂາດຕົວງົບປະມານແຫ່ງລັດຈຳນວນ 6 ເປົ້າໝາຍ, ກວດສອບເອກະສານລາຍງານການເງິນລັດວິສາຫະກິດ ຈຳນວນ 4 ເປົ້າໝາຍ, ກວດສອບໂຄງການລົງທຶນຂອງລັດຈຳນວນ 4 ເປົ້າໝາຍ, ໃນນີ້ ສະເພາະຢູ່ແຂວງສະຫວັນນະເຂດ, ໃນປີ 2021 ກອງປະຊຸມສະພາປະຊາຊົນແຂວງ ໄດ້ຮັບຮອງແຜນການກວດສອບ ຈຳນວນ 2 ເປົ້າໝາຍ, ໄດ້ດຳເນີນການກວດສອບຕົວຈິງຈຳນວນ 2 ເປົ້າໝາຍດັ່ງນີ້: ກວດສອບບົດສະຫຼຸບຂາດຕົວກາານຈັດຕັ້ງປະຕິບັດແຜນງົບປະມານແຫ່ງລັດ ໄດ້ດຳນີນການກວດສອບຈຳນວນ 12 ພະແນກການຄື: ພະແນກການເງິນ, ຄັງເງິນແຫ່ງຊາດປະຈຳແຂວງ, ສ່ວຍສາອາກອນປະຈຳແຂວງ, ຫ້ອງວ່າການປົກຄອງແຂວງ, ພະແນກໂຍທາທິການ ແລະຂົນສົ່ງ, ພະແນກແຜນການ ແລະການລົງທຶນ, ພະແນກສຶກສາທິການ ແລະກິລາ, ພະແນກຍຸຕິທຳ, ພະແນກຊັບພະຍາກອນທຳມະຊາດ ແລະສິ່ງແວດລ້ອມ, ພະແນກແຮງງານ ແລະສະຫວັດດີການສັງຄົມ, ພະແນກສາທາລະນະສຸກ ແລະພາສີແຂວງ. ພ້ອມນັ້ນຍັງໄດ້ກວດສອບເອກະສານລາຍງານການເງິນ ປະຈຳປີ 2021 ຂອງລັດວິສາຫະກິດນໍ້າປະປາແຂວງ.
ສ່ວນທິດທາງແຜນການເຄື່ອນໄຫວປະຈຳປີ 2023 ຂອງອົງການກວດສອບປະຈຳພາກກາງ ໄດ້ຂຶ້ນແຜນດຳເນີນການກວດສອບຈຳນວນ 2 ເປົ້າໝາຍຄື: ກວດສອບບົດສະຫຼຸບຂາດຕົວງົບປະມານແຫ່ງລັດປະຈຳປີ 2022 ຂອງແຂວງສະຫວັນນະເຂດຈຳນວນ 1 ເປົ້າໝາຍ, ປະກອບມີ 13 ຫົວໜ່ວຍຄື: (1) ຫ້ອງວ່າການປົກຄອງແຂວງ ແລະ(2) ພະແນກການ, ກວດສອບການຈັດຕັ້ງປະຕິບັດໂຄງການລົງທຶນຂອງລັດ ຈຳນວນ 1 ເປົ້າໝາຍຄື: ໂຄງການກໍ່ສ້າງເສັ້ນທາງປູຢາງ 2 ຊັ້ນ ທາງເລກທີ 3.6311 ແຕ່ເມືອງອາດສະພອນ ຫາທາງເລກ 10 ແຂວງສະຫວັນນະເຂດ.
ຂ່າວ-ພາບ: ແຂວງສະຫວັນະເຂດ
