ວິທະຍຸກະຈາຍສຽງຫວຽດນາມລາຍງານວ່າ: ປີ 2023, ສະຫະພັນການຄ້າ ແລະ ອຸດສາຫະກຳ ຫວຽດນາມ (VCCI) ໄດ້ຊຸກຍູ້ການປ່ຽນແປງໃໝ່ເພື່ອກາຍເປັນບ່ອນອີງທີ່ໄວ້ເນື້ອເຊື່ອໃຈໃຫ້ແກ່ນັກທຸລະກິດ, ວິສາຫະກິດພາຍໃນປະເທດ. ທ່ານ ຟ້າມເຕີນກົງ ປະທານ VCCI ຢັ້ງຢືນວ່າ: ການປ່ຽນແປງໃໝ່ແມ່ນການເລືອກເຟັ້ນໜຶ່ງດຽວ ແລະ ຖືກຕ້ອງທີ່ສຸດ ເພື່ອນຳ VCCI ກ້າວຂຶ້ນ, ຮ່ວມເດີນທາງ ແລະ ຊຸກຍູ້ການພັດທະນາປະຊາຄົມວິສາຫະກິດ ຫວຽດນາມ, ສ້າງວິສາຫະກິດໝັ້ນຄົງເຂັ້ມແຂງ, ປະເທດຊາດວັດທະນາຖາວອນ.
ຂ່າວລະບຸວ່າ: ໃນປີ 2023 ນີ້, VCCI ຈະປະຕິບັດຫຼາຍແຜນການທີ່ພົ້ນເດັ່ນຄື: ສະເຫຼີມສະຫຼອງ 60 ປີແຫ່ງວັນສ້າງຕັ້ງ VCCI (ໃນເດືອນເມສາ); ສຳຫຼວດ, ປະກາດດັດຊະນີຄວາມສາມາດແກ່ງແຍ້ງຂັ້ນເມືອງ (PCI) ແລະ ປະມວນດັດຊະນີສີຂຽວ (Green Index)… VCCI ຈະຈັດຕັ້ງຫຼາຍເຫດການທີ່ໜ້າສົນໃຈ ຄື: ເວທີປາໄສສື່ມວນຊົນ ແລະ ວິສາຫະກິດຮ່ວມເດີນທາງເພື່ອ ຫວຽດນາມ ຈະເລີນຮຸ່ງເຮືອງ, ວັດທະນາຖາວອນ… ທ່ານ ຟ້າມເຕີນກົງ ເຊື່ອໝັ້ນວ່າ: VCCI ຈະສ້າງກຳລັງບົ່ມຊ້ອນ ທີ່ສູງຂຶ້ນກວ່າເກົ່າ, ສືບຕໍ່ແມ່ນຜູ້ຮ່ວມເດີນທາງ ແລະ ແມ່ນບ່ອນອີງທີ່ນັບມື້ນັບໜ້າໄວ້ເນື້ອເຊື່ອໃຈຂອງວິສາຫະກິດ, ແມ່ນຂົວເຊື່ອມຕໍ່ທີ່ມີອິດທິພົນຊື່ສຽງ, ມີປະສິດທິຜົນລະຫວ່າງປະຊາຄົມວິສາຫະກິດກັບພັກ ແລະ ລັດ.
