ຂ່າວສານຊີອາໄອລາຍງານ ເມື່ອທ້າຍອາທິດຜ່ານມາ, ທະນາຄານພັດທະນາອາຊີ (ADB) ໄດ້ເປີດເຜີຍໃຫ້ຮູ້ວ່າ: ADB ໄດ້ອະນຸມັດເງິນກູ້ລັກສະນະນະໂຍບາຍຈຳນວນ 500 ລ້ານໂດລາ ງວດທີໜຶ່ງ ເພື່ອຊ່ວຍເຫຼືອລັດຖະບານຟີລິບປິນ ຊຸກຍູ້ການພັດທະນາເສດຖະກິດກະສິກຳ, ຮັບປະກັນຄວາມໝັ້ນຄົງດ້ານສະບຽງອາຫານເປັນໄລຍະສັ້ນ ແລະ ໄລຍະຍາວ. ດິນຟ້າອາກາດທີ່ຮ້າຍແຮງ ແລະ ຜົນກະທົບດ້ານເສດຖະກິດໄດ້ເຮັດໃຫ້ພາກສ່ວນກະສິກຳຍົກສູງກຳລັງການຜະລິດມີຄວາມຫຍຸ້ງຍາກກວ່າເກົ່າ. ເງິນກູ້ຢືມງວດນີ້ຂອງ ADB ຈະສະໜັບສະໜູນຟີລິບປິນສ້າງພາກສ່ວນກະສິກຳທີ່ມີຄວາມສາມາດແຂ່ງຂັນ ແລະ ມີຄວາມກວມລວມ, ຍົກສູງປະສິດທິພາບ, ເພີ່ມທະວີຄວາມຫຼາກຫຼາຍ, ເພີ່ມທະວີຄວາມສາມາດດ້ານການຮັບມືກັບບັນຫາດິນຟ້າອາກາດ ແລະ ເພີ່ມລາຍຮັບດ້ານກະສິກຳ ເພື່ອບັນລຸຄວາມໝັ້ນທ່ຽງດ້ານສະບຽງອາຫານ.
