ຂ່າວສານຊີອາໄອລາຍງານ ເມື່ອວັນທີ 24 ຕຸລາທີ່ຜ່ານມານີ້, ທ່ານ ເພໂດຣ ຊັນເຊັສ ເປເຣັສ ຄາສເຕໂຢນ ນາຍົກລັດຖະມົນຕີແອັສປາຍກ່າວວ່າ: ລັດຖະບານແອັສປາຍໄດ້ໃຫ້ຄຳໝັ້ນສັນຍາວ່າຈະສະໜອງງົບປະມານປະມານ 2 ຕື້ຢູໂຣ ໃຫ້ວິສາຫະກິດຍານພາຫະນະລົດໃຫຍ່ ເພື່ອເພີ່ມການຜະລິດລົດໄຟຟ້າ.
ທ່ານ ຊັນເຊັສ ກ່າວຕື່ມວ່າ: ລັດຖະບານແອັສປາຍຈະອອກແຮງຢ່າງສຸດຂີດ ເພື່ອເຮັດໃຫ້ຂົງເຂດຜະລິດລົດໄຟຟ້າຂອງປະເທດໄດ້ຮັບຄວາມຄືບໜ້າທີ່ໃຫຍ່ຫຼວງ. ທ່ານກ່າວຕື່ມອີກວ່າ: ບັນດາປະເທດໃນສະຫະພາບເອີຣົບຕ້ອງປົກປ້ອງຄວາມຄືບໜ້າໃນການຫຼຸດຜ່ອນການປ່ອຍກາກບອນໃຫ້ຕ່ຳ ເພື່ອຮັບມືກັບຜົນກະທົບຈາກການປ່ຽນແປງຂອງດິນຟ້າອາກາດ.
