ຂ່າວສານຊີອາໄອລາຍງານ ເມື່ອທ້າຍເດືອນກັນຍາທີ່ຜ່ານມານີ້, ກະຊວງການຄ້າຈີນໄດ້ເປີດເຜີຍຂໍ້ມູນໂດຍສະແດງໃຫ້ເຫັນວ່າ: ນັບແຕ່ເດືອນມັງກອນຫາເດືອນສິງຫາປີ 2022 ນີ້, ຈີນລົງທຶນໂດຍກົງຕໍ່ຕ່າງປະເທດບໍ່ແມ່ນປະເພດການເງິນມີເຖິງ 492,76 ຕື້ຢວນ ເພີ່ມຂຶ້ນ 7,2% ເມື່ອທຽບໃສ່ໄລຍະດຽວກັນຂອງປີ 2021 ເທົ່າກັບ 75,11 ຕື້ໂດລາ ເພີ່ມຂຶ້ນ 5,8% ເມື່ອທຽບໃສ່ໄລຍະດຽວກັນຂອງປີ 2021; ການລົງທຶນໂດຍກົງບໍ່ແມ່ນປະເພດການເງິນຕໍ່ບັນດາປະເທດລຽບຕາມໜຶ່ງແລວໜຶ່ງເສັ້ນທາງມີເຖິງ 13,95 ຕື້ໂດລາ ເພີ່ມຂຶ້ນ 8,2% ເມື່ອທຽບໃສ່ໄລຍະດຽວກັນຂອງປີທີ່ຜ່ານມາ ກວມເອົາ 18,6% ໃນຍອດມູນຄ່າການລົງທຶນປະເພດດັ່ງກ່າວໃນໄລຍະດຽວກັນ ເພີ່ມຂຶ້ນ 0,5% ເມື່ອທຽບໃສ່ໄລຍະດຽວກັນຂອງປີທີ່ຜ່ານມາ.
ທ່ານນາງ ຊູ້ຈົວທີງ ໂຄສົກກະຊວງການຄ້າຈີນແນະນຳໃຫ້ຮູ້ວ່າ: ນັບແຕ່ເດືອນມັງກອນຫາເດືອນສິງຫາປີນີ້, ຈີນໄດ້ນຳໃຊ້ການລົງທຶນຈາກຕ່າງປະເທດໂຕຈິງເຖິງ 138,4 ຕື້ໂດລາ ເພີ່ມຂຶ້ນ 20,2%; ໃນນັ້ນ, ການລົງທຶນຈາກສະຫະພາບເອີຣົບໄດ້ເພີ່ມຂຶ້ນ 123,7%. ນີ້ໄດ້ສະແດງໃຫ້ເຫັນວ່າ: ນັກລົງທຶນຕ່າງ ປະເທດ ຊຶ່ງລວມທັງສະຫະພາບເອີຣົບສືບຕໍ່ເຫັນໄປໃນທາງທີ່ດີຕໍ່ຕະຫຼາດຂອງຈີນ ແລະ ຫວັງໃຫ້ສືບຕໍ່ລົງເລິກການຮ່ວມມືດ້ານການລົງທຶນກັບຈີນ.
